قازاقستاندا ىشىمدىك ساتۋعا قاتىستى ءبىرقاتار ۇسىنىس جاسالدى، دەپ حابارلايدى Dalanews.kz.
ىشكى ىستەر مينيسترلىگى ەلدە ىشىمدىك ساتۋ ءتارتىبىن قاتاڭداتۋدى ۇسىندى. بۇل تۋرالى ۇكىمەت ساعاتىندا مينيستر ەرجان سادەنوۆ ايتتى.
ءمينيستردىڭ سوزىنشە، ىشىمدىك - ەلدەگى قىلمىستاردىڭ نەگىزگى سەبەپتەرىنىڭ ءبىرى. جىل سايىن ماس كۇيىندە شامامەن 10 مىڭعا جۋىق قىلمىس جاسالادى.
مينيسترلىك مىناداي شارالاردى قاراستىرىپ وتىر:
-
ينتەرنەت ارقىلى ىشىمدىك ساتۋعا تولىق تىيىم سالۋ؛
-
ىشىمدىكتى تەك ارنايى دۇكەندەردە ساتۋ؛
-
ليسەنزيا بەرۋ تالاپتارىن كۇشەيتۋ جانە ولاردىڭ سانىن شەكتەۋ.
ەرجان سادەنوۆ ويىن-ساۋىق ورىندارىنداعى ىشىمدىك ساۋداسىنا دا شەكتەۋ ەنگىزۋ قاجەت ەكەنىن ايتتى:
"مۇنداي ورىنداردا ماس كۇيدە 1 400-دەن اسا قىلمىس، سونىڭ ىشىندە ءۇش كىسى ءولتىرۋ دەرەگى تىركەلگەن".
