Qyzylorda oblysynda ishimdikten bas tartqan aýyl kóbeigen, dep habarlaidy Dalanews.kz.
Óńirdiń 18 aýyly alkogol ónimderin satýdan bas tartqan.
Budan bólek, 107 kásipkermen memorandýmǵa qol qoiyldy (meiramhanalar men dúkenderde alkogol satý ýaqyty shekteldi), nátijesimen sońǵy 3 jylda 35 eldi mekende birde-bir qylmys tirkelmegen.
Eske salaiyq, buǵan deiin Qazaqstanda ishimdik satýǵa qatysty birqatar usynys jasalǵan bolatyn.
Ishki ister ministrligi elde ishimdik satý tártibin qatańdatýdy usyndy. Bul týraly Úkimet saǵatynda ministr Erjan Sádenov aitty.
Ministrdiń sózinshe, ishimdik - eldegi qylmystardyń negizgi sebepteriniń biri. Jyl saiyn mas kúiinde shamamen 10 myńǵa jýyq qylmys jasalady.
Ministrlik mynadai sharalardy qarastyryp otyr:
-
Internet arqyly ishimdik satýǵa tolyq tyiym salý;
-
Ishimdikti tek arnaiy dúkenderde satý;
-
Litsenziia berý talaptaryn kúsheitý jáne olardyń sanyn shekteý.
