اتالعان تاپسىرمانى ويداعىداي ورىنداعان ماڭىزدى. وسى ماقساتتا قىزىلجار وڭىرىندە م. قوزىبايەۆ اتىنداعى وقۋ ورنى مەن اقش-تىڭ اريزون ۋنيۆەرسيتەتى قوس ديپلومدى باعدارلامانى جۇزەگە اسىرۋدى باستاپ كەتتى.
ۋنيۆەرسيتەت تابالدىرىعىن اتتاعان العاشقى كۋرس ستۋدەنتتەرىن قۇتتىقتاۋعا ەلىمىزدىڭ عىلىم ءمينيسترى ساياسات نۇربەك، سقو اكىمى قۇمار اقساقالوۆ جانە اريزونا ۋنيۆەرسيتەتىنىڭ ۆيسە-پرەزيدەنتى ليزل فوكس باستاعان دەلەگاسيا ارنايى كەلدى.
"بۇگىن وقۋ ورنىنىڭ تاريحىنداعى ەستە قالارلىق ەرەكشە كۇن، ماڭىزدى ءسات. اريزونا ۋنيۆەرسيتەتىمەن بىرلەسكەن قوس ديپلومدى ءبىلىم الۋ باعدارلاماسى باستاۋ الدى. بۇل ۋنيۆەرسيتەت الەمدەگى ەڭ ۇزدىك وقۋ ورىندارىنىڭ ءبىرى، بۇعان قول جەتكىزۋ ءۇشىن كوپ تەر توكتىك، شەتەلدىك ارىپتەستەرمەن كەلىسسوز جۇرگىزدىك. وسىناۋ جوبا ءبىلىم-عىلىم سالاسىنان بولەك، ءوڭىردىڭ دامۋىنا دا شاراپاتىن تيگىزەدى"، – دەدى شارانىڭ شىمىلدىعىن تۇرگەن قۇمار اقساقالوۆ.
حالىقارالىق باعدارلاماعا ءبىرىنشى كۋرسقا اياق باسقان 170 ستۋدەنت ىرىكتەلىپ الىنعان، ولاردىڭ بارلىعى ارنايى مەملەكەتتىك گرانتتىڭ جەڭىمپازدارى. بۇدان بىلاي جىل سايىن وسى باعىت بويىنشا 500 گرانت ءبولىنىپ وتىرماق.
ستۋدەنتتەر ءۇش جىل ءوز ەلىمىزدە ءبىلىم السا، ءتورتىنشى كۋرستى اريزونادا ءتامامدايتىن بولادى. وقۋ بىتىرگەن تۇلەكتەر قوس ديپلوم يەگەرى اتانادى.
"اقش-تىڭ الپاۋىت وقۋ ورنىمەن بايلانىس ورناتقان ءبىزدىڭ ءوڭىردىڭ تارتىمدىلىعى ارتىپ، وبلىسقا جاس كادرلار اعىلادى دەگەن سەنىمدەمىز. ءقازىردىڭ وزىندە وڭ ءۇردىس بايقالادى. جاڭا حالىقارالىق باعدارلاما بويىنشا ءبىلىم الۋعا ەلىمىزدىڭ 7 وڭىرىنەن ىزدەنىمپاز، العىر جاستار ارنايى كەلگەن"، – دەدى وسى ورايدا ايماق باسشىسى.
م. قوزىبايەۆ اتىنداعى ۋنيۆەرسيتەت ءوز كەزەگىندە وقۋ ورنىنىڭ ينفراقۇرىلىمدارىن جەتىلدىرۋ ۇستىندە. ءقازىر عىلىمي زەرتتەۋ كورپۋسىنىڭ قۇرىلىسى ءجۇرىپ جاتىر.
ول اياقتالعان ساتتە مۇندا 70-كە جۋىق عىلىمي، تانىمدىق جانە ۆيرتۋالدى زەرتحانالار ورنالاساتىن بولادى. بۇدان سىرت الداعى ۋاقىتتا ۋنيۆەرسيتەت ستۋدەنتتەرىنە ارناپ 1،4 مىڭ ورىنعا لايىقتالعان 3 جاتاحانا بوي كوتەرەدى.
