[caption id="attachment_9244" align="alignleft" width="114"]
جاندوس ءبايدىلدا، جۋرناليست[/caption]
الماتى قالاسى 2022 جىلعى قىسقى وليمپيادا ويىندارىن وتكىزۋگە العاش بولىپ رەسمي ءوتىنىش جاساعان قالا (2013 جىلدىڭ تامىز ايىنىڭ ورتاسىندا). ەگەر بىزدە الداعى ۋاقىتتا قارجىلىق قيىندىقتاردىڭ بولاتىنى راس بولسا، ءقازىر باس تارتىپ ۇلگەرۋى كەرەك. ويتكەنى، 2018 جىلعى قىسقى وليمپيادا ويىندارى وڭتۇستىك كورەيانىڭ پحەنچحان قالاسىندا وتەدى. حوك باسشىلارى قىسقى وليمپيادا ويىندارىن قاتارىنان ەكى رەت شىعىس ازيادا وتكىزۋدى ءجون كورمەۋى مۇمكىن.
2022 جىلعى قىسقى وليمپيادا ويىندارىنىڭ استاناسى 2015 جىلدىڭ جازىندا بەلگىلى بولادى. حوك-تىڭ (حالىقارالىق وليمپيادا كوميتەتى) باعالاۋشى كوميسسياسىن رەسەي وليمپيادا كوميەتەتىنىڭ پرەزيدەنتى الەكساندر جۋكوۆ باسقارادى. جۋكوۆتىڭ بۇيرەگى بىزگە بۇرىپ كەتۋى ابدەن مۇمكىن.
"100 سوم از اقشا ەمەس، ءبىراق دەنساۋلىق تا كەرەك" دەگەندەي، 2 ملرد. دوللار از اقشا ەمەس، ءبىراق بارلىعىن ەگجەي-تەگجەيلى ويلاۋ كەرەك. شىعىنى كوپ بولسا، وليمپيادادان باس تارتۋ كەرەك.
وزدەرىڭىزگە بەلگىلى، 2017 جىلى الماتى قالاسى قىسقى ۋنيۆەرسيادانى قابىلداعالى وتىر. ەگەر ۋنيۆەرسياداعا كوپ قاراجات جۇمسالىپ، جاڭا نىساندار بوي كوتەرىپ جاتسا، ار جاعىندا وليمپيادا ويىندارىن دا وتكىزگەن دۇرىسىراق. ويتكەنى ازيادا مەن ۋنيۆەرسيادادان كەيىن، وليمپيادا وتكىزۋ سالىستىرمالى تۇردە وڭايعا ءتۇسۋى مۇمكىن.
جاندوس ءبايدىلدا، جۋرناليست
