جول مەن قاتار وسى ءوڭىردىڭ باستى ماسەلەسى بولاتىن. 2017 جىلى رەسپۋبليكالىق بيۋدجەتتەن 467 ميلليون تەڭگە ءبولىنىپ، سۋ تارتۋ جۇمىستارى باستالدى.
اراعا ءبىر جارىم سالىپ، اۋىل تۇرعىندارى كوپتەن كۇتكەن قۋانىشقا كەنەلىپ، اۋىز سۋ ماسەلەسى تولىقتاي شەشىمىن تاپتى. ءاربىر ءۇي تازا اۋىز سۋعا قول جەتكىزۋگە مۇمكىندىك الدى.
سەمەي قالاسىنىڭ اكىمى ەرماك ءسالىموۆ جۇمىس ساپارىمەن ابىرالى وڭىرىنە بارعان كەزىندە قاينارلىق اعايىندارمەن كەزدەسىپ، ءاربىر ۇيگە كىرىپ، ءوز كەزەگىندە سۋعا قولى جەتكەن جاندار ريزاشىلىقتارىن ءبىلدىرىپ جاتتى.
«ءبىزدىڭ جاقتىڭ قىسى وتە قاتتى. ايازدى كۇندەرى اۋا تەمپەراتۋراسى -40، -45 گرادۋسقا دەيىن بارادى. سول كەزدە جاياۋلاپ قۇدىقتان سۋدى اكەلۋ ۇلكەن قيىندىق تۋدىراتىن. سۋدى ۇنەمدەۋگە تۋرا كەلەتىن. سول ءۇشىن تالاي مۇنداعى ادامدار قالاعا كوشىپ كەتتى.
ەندى قالا اكىمىنىڭ تىكەلەي مۇرىندىق بولۋىمەن كوپتەن كۇتكەن قۋانىشقا كەنەلىپ وتىرمىز. سۋىمىز بار. كوپقاباتتى ۇيلەردەگى ادامداردان كەم تۇرمايتىن بولدىق»، – دەپ دالادان توڭىپ كەلگەن بىزگە كۇلان حانىم ىستىق ءشايىن ۇسىندى.
جالپى سۋ قۇبىرلار اۋىل تۇرعىندارىنىڭ اۋلاسىنا دەيىن تارتىلدى. ۇيلەردىڭ ىرگەسىنە كەلگەن سۋدى تۇرعىندار وزدەرى كىرگىزىپ العان.
سونىمەن قاتار قالا اكىمى قاينار ورتا مەكتەبىنىڭ تىنىس-تىرشىلىگىمەن تانىستى. وسى كۇنگە دەيىن سۋدىڭ جوقتىعىنان وقۋشىلارعا ىستىق تاماق بەرىلمەي كەلگەن ەدى.
ەندى اسحاناعا قۇرال-جابدىقتار الىنىپ، جاقىن ارادا ىسكە قوسىلۋىن ءبىلىم ورداسىنىڭ ديرەكتورىنا تاپسىرما بەردى.
قالا اكىمى «جۇمىس ساپارىنىڭ ماقساتى 9 اي بۇرىن حالىقتىڭ الدىندا ەسەپ بەرگەن كەزىمدە كوتەرىلگەن ماسەلەلەردىڭ بۇگىندە قانشالىقتى ساپالى ورىندالعاندىعىن تەكسەرىپ، كوزبەن كورۋ. سۋ ماسەلەسى شەشىلدى. جۇمىستارىمىزدىڭ بارلىعى ءبىتتى. مەملەكەتتىك كوميسسيا قابىلدادى. بۇل سۋ ۋ ەمەس. ساپاسى وتە جاقسى» دەپ ءدامىن كورىپ، كۇمان كەلتىرگەن ادامدارعا، ءىشىپ كورۋگە كەڭەس بەردى.
قىرىق جىل اتوم زاردابىن كورگەن، سەمەيدەن 300 شاقىرىم قاشىقتىقتاعى شالعايداعى قاينار اۋىلىنىڭ تۇرعىندارى ەندى قالاعا قاتىنايتىن جولىمىز جوندەلسە دەگەن تىلەگىن ءبىلدىردى.
قۋانىش راحمەتوللا ۇلى
