Jol men qatar osy óńirdiń basty máselesi bolatyn. 2017 jyly respýblikalyq biýdjetten 467 million teńge bólinip, sý tartý jumystary bastaldy.
Araǵa bir jarym salyp, aýyl turǵyndary kópten kútken qýanyshqa kenelip, aýyz sý máselesi tolyqtai sheshimin tapty. Árbir úi taza aýyz sýǵa qol jetkizýge múmkindik aldy.
Semei qalasynyń ákimi Ermak Sálimov jumys saparymen Abyraly óńirine barǵan kezinde qainarlyq aǵaiyndarmen kezdesip, árbir úige kirip, óz kezeginde sýǵa qoly jetken jandar rizashylyqtaryn bildirip jatty.
«Bizdiń jaqtyń qysy óte qatty. Aiazdy kúnderi aýa temperatýrasy -40, -45 gradýsqa deiin barady. Sol kezde jaiaýlap qudyqtan sýdy ákelý úlken qiyndyq týdyratyn. Sýdy únemdeýge týra keletin. Sol úshin talai mundaǵy adamdar qalaǵa kóship ketti.
Endi qala ákiminiń tikelei muryndyq bolýymen kópten kútken qýanyshqa kenelip otyrmyz. Sýymyz bar. Kópqabatty úilerdegi adamdardan kem turmaityn boldyq», – dep daladan tońyp kelgen bizge Kúlán hanym ystyq sháiin usyndy.
Jalpy sý qubyrlar aýyl turǵyndarynyń aýlasyna deiin tartyldy. Úilerdiń irgesine kelgen sýdy turǵyndar ózderi kirgizip alǵan.
Sonymen qatar qala ákimi Qainar orta mektebiniń tynys-tirshiligimen tanysty. Osy kúnge deiin sýdyń joqtyǵynan oqýshylarǵa ystyq tamaq berilmei kelgen edi.
Endi ashanaǵa qural-jabdyqtar alynyp, jaqyn arada iske qosylýyn bilim ordasynyń direktoryna tapsyrma berdi.
Qala ákimi «Jumys saparynyń maqsaty 9 ai buryn halyqtyń aldynda esep bergen kezimde kóterilgen máselelerdiń búginde qanshalyqty sapaly oryndalǵandyǵyn tekserip, kózben kórý. Sý máselesi sheshildi. Jumystarymyzdyń barlyǵy bitti. Memlekettik komissiia qabyldady. Bul sý ý emes. Sapasy óte jaqsy» dep dámin kórip, kúmán keltirgen adamdarǵa, iship kórýge keńes berdi.
Qyryq jyl atom zardabyn kórgen, Semeiden 300 shaqyrym qashyqtyqtaǵy shalǵaidaǵy Qainar aýylynyń turǵyndary endi qalaǵa qatynaityn jolymyz jóndelse degen tilegin bildirdi.
Qýanysh Rahmetollauly
