وبلىس ورتالىعىنا كەلگەننەن كەيىن سەرىك جۇمانعارين "التاي" كوتەرمە-تاراتۋ ورتالىعى جوباسىنىڭ تۇساۋكەسەرىمەن تانىستى. "التاي" كوتەرمە-تاراتۋ ورتالىعىنىڭ ديرەكتورى جانبولات قازانوۆ نىسان تۋرالى تولىق اقپارات بەرىپ، جوبانىڭ جالپى قۇنى - 33،1 ملرد.تەڭگە ەكەنىن اتاپ ءوتتى.
– ءقازىر كروسس-دوگتىڭ، كوكونىس قويماسى، قوناق ءۇي، اسحانا قۇرىلىسى جۇرگىزىلۋدە. سونىمەن قاتار، مۇندا زەرتحانا مەن كەدەندىك باقىلاۋ ورنالاسادى. قۇرىلىس 2 كەزەڭدە وتەدى. 1 كەزەڭدى اعىمداعى جىلدىڭ تامىز ايىندا ىسكە قوسقىمىز كەلەدى. 2 كەزەڭ ەت، بالىق وندىرۋدەن، بال مەن ءسۇتتى جەتكىزۋدەن تۇرادى. ونىڭ ىسكە قوسىلۋى 2024 جىلى جوسپارلانعان، – دەپ قوستى ول.
دانيال احمەتوۆ مۇندا الەمدەگى ەڭ جاقسى جابدىقتار ساتىپ الىنعانىن جانە ماڭىزدى ەلەمەنتتەردىڭ ءبىرى ەت پەن ءسۇتتىڭ وڭدەلۋى ەمەس، بالدى وڭدەۋ بولاتىنىن اتاپ ءوتتى.
– ساپاسى ورتاشا الەمدىك ستاندارتقا سايكەس كەلەتىن بالدىڭ بارلىعى دەرلىك ەكسپورتتالۋى كەرەك. كەشەننىڭ ورنالاسقان جەرى وتە ىڭعايلى، 5 جىل ىشىندە وسى شاعىن اۋداندا ەڭ كوپ دەگەندە 40 مىڭ تۇرعىن تۇرادى، – دەدى ءوڭىر باسشىسى.
ءارى قاراي سەرىك جۇمانعارين "Magnum" گيپەرماركەتىنە باردى. سودان كەيىن گلۋبوكوە اۋدانى پرەدگورنوە اۋىلىنىڭ "التىن-شىعىس" ماي ەكستراكسيا زاۋىتىنىڭ جۇمىسىمەن تانىستى.
– بۇگىن ءبىز شقو-داعى ساپارىمىزدى "التاي" كوتەرمە-تاراتۋ ورتالىعىنان باستادىق، بۇل وتە قىزىق جوبا. ءبىر كەزدەرى كوتەرمە-تاراتۋ ورتالىعىنىڭ قۇرىلىسى رەسپۋبليكالىق بيۋدجەت ەسەبىنەن جوسپارلانعان بولاتىن، ءبىراق تاجىريبە كورسەتكەندەي، ونى جەكە قاراجات ەسەبىنەن دە جۇزەگە اسىرۋعا بولادى.
سونىمەن قاتار، مۇندا قاراقۇمىق، كۇنباعىس وڭدەلەدى. جاقىندا ءبىز كۇنباعىس تۇقىمىنىڭ ەكسپورتىن جاۋىپ تاستادىق جانە ەلدە قايتا وڭدەۋ ءوسىپ جاتقانىن كورىپ وتىرمىز. سونداي-اق، بۇگىن مەن "Magnum" گيپەرماركەتىندە كوكونىستەردىڭ ساپاسىن ارنايى تەكسەردىم. باعالار قولايلى. ءونىمنىڭ ساپاسى دا جاقسى، – دەدى ق ر پرەمەر-مينيسترىنىڭ ورىنباسارى.
![](/uploads/images/20240127163550036.jpg)
سودان كەيىن ۆيسە-پرەمەر شەمونايحا اۋدانىنىڭ تۇرعىندارىمەن كەزدەسىپ باعانى تۇراقتاندىرۋداعى جۇمىستار تۋرالى ايتتى.
– وتكەن جىلى ءبىرقاتار باستامالار قولعا الىندى. باعانىڭ ءوسۋىن توقتاتۋ ءۇشىن ءبىز تۇراقتاندىرۋ قورلارىنىڭ جۇمىسىن تولىعىمەن قايتا فورماتتادىق. بۇگىنگى تاڭدا ءبىزدىڭ مىندەتىمىز – باعانىڭ ءوسۋىن توقتاتۋ. مەنىڭ ويىمشا، ءبىز مۇنى ناۋرىز ايىندا جاساي الامىز. الاڭداۋعا نەگىز جوق. بارلىق قاجەتتى تاۋارلار بويىنشا ۋاقتىلى شەشىم قابىلدايمىز، – دەدى ول.
سونىمەن قاتار، ونىڭ ايتۋىنشا، بيىل كوكونىس قويمالارىن سالۋ بويىنشا ارنايى باعدارلاما ىسكە قوسىلادى. ءسۇت ونىمدەرىمەن قامتاماسىز ەتۋ بويىنشا دا اۋقىمدى جۇمىستار جۇرگىزىلەتىن بولادى.
– ءبىزدىڭ ەلىمىز ءسۇت ونىمدەرىمەن تەك 56%-عا قامتاماسىز ەتىلگەن، قالعانىنىڭ ءبارى يمپورتتالادى. بۇل تۇرعىدا، ارينە، كوپتەگەن ماسەلەلەر بار، ءبىراق ءبىز بۇكىل ەل بويىنشا ءسۇت-تاۋارلى فەرمالاردىڭ قۇرىلىسىن باستايمىز. ءوزىن دالەلدەگەن كاسىپكەرلەرگە باسا نازار اۋدارىلادى. سونداي-اق، بۇگىن بيزنەسمەندەر جۇمىرتقا باعىتىنداعى قۇس فابريكاسىنىڭ جوباسىن تانىستىردى. وسى ماسەلەلەردىڭ بارلىعىن كەيىنىرەك تالقىلايمىز، – دەپ تولىقتىردى ق ر ساۋدا جانە ينتەگراسيا ءمينيسترى.
كەزدەسۋ سوڭىندا سەرىك جۇمانعارين قىزمەتكەرلەرمەن كەزدەسىپ، "كامىشينسكوە" ج ش س ءسۇت-تاۋار فەرماسىنىڭ جۇمىسىمەن تانىستى.