قر ساۋدا جەنە ينتەگراتسييا مينيسترٸ ارمان شاققاليەۆ بٷگٸنگٸ ٷكٸمەت وتىرىسىندا ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋ بويىنشا جٷرگٸزٸلٸپ جاتقان جۇمىستار تۋرالى باياندادى. ول جالپى ەمات باعاسىن تۇراقتاندىرۋ بويىنشا جۇمىس ۇيىمداستىرىلعانىن جەنە باقىلاۋدا ەكەنٸن اتاپ ٶتتٸ, دەپ حابارلايدى Dalanews.kz.
اپتا سايىنعى نەگٸزدە كەڭەستەر ٶتكٸزٸلەدٸ, وندا ەربٸر تاۋار مەن ٶڭٸر بٶلٸنٸسٸندەگٸ مەسەلەلەر جەدەل تٷردە شەشٸلەدٸ.
ەلەۋمەتتٸك ماڭىزى بار ازىق-تٷلٸك تاۋارلارىنىڭ باعا يندەكسٸ جىل باسىنان بەرٸ 100,8%-دى, تامىزدا 0%-دى, قىركٷيەكتٸڭ العاشقى ٷش اپتاسىندا 0,1%-دى قۇرادى.
"كٶكٶنٸس توبى تامىز ايىنىڭ باسىنان باستاپ كارتوپ, سەبٸز جەنە پيياز سيياقتى ٶنٸمدەرگە باعانىڭ ٶسۋٸن ورتا ەسەپپەن 2,5 ەسە تٶمەندەتە الدى. تۇز, جۇمىرتقا, كارتوپ جەنە كٷنباعىس مايى بويىنشا وتاندىق ٶندٸرۋشٸلەرمەن جىل سوڭىنا دەيٸن باعانى بەلگٸلەۋ جٶنٸندە مەموراندۋمدار جاسالدى. ماكارون ٶنٸمدەرٸ, ۇن جەنە كٷرٸش بويىنشا يندەكس كٶرسەتكٸشٸ تٶمەندەگەن", — دەدٸ ارمان شاققاليەۆ.
ٸشكٸ نارىقتى تولىقتىرۋ ٷشٸن 15 مامىردان باستاپ تٸرٸ مالدى ەكەتۋگە تىيىم سالىندى, سونىمەن قاتار ەت ەكەتۋدٸ ۆەتەرينارلىق باقىلاۋدى كٷشەيتۋ جەنە سيىر ەتٸن ەكسپورتتاۋ كۆوتاسىن تەك ەت ٶڭدەۋشٸ كەسٸپورىندارعا بەلگٸلەۋ جٶنٸندەگٸ ۇسىنىستار قولداۋ تاپتى.
قوسىمشا سيىر ەتٸ بويىنشا فەرمەرلەردەن ساۋدا جەلٸلەرٸنە ەت جەتكٸزۋدٸ قامتاماسىز ەتۋ ٷشٸن ساۋدا جەلٸلەرٸمەن كەلٸسٸمگە قول جەتكٸزٸلدٸ. ٸشكٸ نارىقتى قامتاماسىز ەتۋ ٷشٸن قاجەتتٸ كٶلەمدٸ اشم قامتاماسىز ەتەدٸ.
"باقىلاۋ شارالارى اياسىندا جەنە دەلدالدىق سحەمالاردى تەرگەۋ جٶنٸندەگٸ كوميسسييانىڭ جۇمىسى بارىسىندا تيٸمسٸز دەلدالدار انىقتالىپ, جويىلادى. ساۋدا مينيسترلٸگٸ "قازاقتەلەكوممەن" بٸرلەسٸپ, دەلدالدارسىز تەك تاۋار ٶندٸرۋشٸلەردٸ, ساۋدا جەلٸلەرٸن جەنە ەكك-نٸ تٸكەلەي قامتيتىن اگروماركەتپلەيستٸ ٸسكە قوسۋدى پىسىقتاۋدا. بۇل جوبانى ٸسكە قوسۋ جىل سوڭىنا دەيٸن جوسپارلانعان", دەپ ناقتىلادى شاققاليەۆ.
ٶسٸمدٸك شارۋاشىلىعىندا 2025 جىلدىڭ جەتٸ ايىندا ەكسپورتتىڭ ٶسٸمٸ قۇندىق مەندە 51%-دى قۇرادى, ونىڭ ٸشٸندە:
- بيداي (56%);
- كٷنباعىس مايلارى (76%);
- مال ازىعى (152%);
- ارپا (94%);
- زىعىر تۇقىمدارى (60%).
مال شارۋاشىلىعىندا ەكسپورتتىڭ ٶسٸمٸ 27%-دى قۇرادى. ەكسپورتتىق باعىتتاردى ودان ەرٸ كەڭەيتۋ ٷشٸن بيىل ەاەو-نىڭ باە جەنە موڭعولييامەن ەمٸن-ەركٸن ساۋدا قاتىناسى تۋرالى كەلٸسٸمدەرگە قول قويىلدى, ەاەو مەن يندونەزييا اراسىندا دا وسىنداي كەلٸسٸمگە وتىرۋ جوسپارلانۋدا.
