QR saýda jáne integratsiia ministri Arman Shaqqaliev búgingi Úkimet otyrysynda áleýmettik mańyzy bar azyq-túlik taýarlarynyń baǵasyn turaqtandyrý boiynsha júrgizilip jatqan jumystar týraly baiandady. Ol jalpy ÁMAT baǵasyn turaqtandyrý boiynsha jumys uiymdastyrylǵanyn jáne baqylaýda ekenin atap ótti, dep habarlaidy Dalanews.kz.
Apta saiynǵy negizde keńester ótkiziledi, onda árbir taýar men óńir bólinisindegi máseleler jedel túrde sheshiledi.
Áleýmettik mańyzy bar azyq-túlik taýarlarynyń baǵa indeksi jyl basynan beri 100,8%-dy, tamyzda 0%-dy, qyrkúiektiń alǵashqy úsh aptasynda 0,1%-dy qurady.
"Kókónis toby tamyz aiynyń basynan bastap kartop, sábiz jáne piiaz siiaqty ónimderge baǵanyń ósýin orta eseppen 2,5 ese tómendete aldy. Tuz, jumyrtqa, kartop jáne kúnbaǵys maiy boiynsha otandyq óndirýshilermen jyl sońyna deiin baǵany belgileý jóninde memorandýmdar jasaldy. Makaron ónimderi, un jáne kúrish boiynsha indeks kórsetkishi tómendegen", — dedi Arman Shaqqaliev.
Ishki naryqty tolyqtyrý úshin 15 mamyrdan bastap tiri maldy áketýge tyiym salyndy, sonymen qatar et áketýdi veterinarlyq baqylaýdy kúsheitý jáne siyr etin eksporttaý kvotasyn tek et óńdeýshi kásiporyndarǵa belgileý jónindegi usynystar qoldaý tapty.
Qosymsha siyr eti boiynsha fermerlerden saýda jelilerine et jetkizýdi qamtamasyz etý úshin saýda jelilerimen kelisimge qol jetkizildi. Ishki naryqty qamtamasyz etý úshin qajetti kólemdi AShM qamtamasyz etedi.
"Baqylaý sharalary aiasynda jáne deldaldyq shemalardy tergeý jónindegi komissiianyń jumysy barysynda tiimsiz deldaldar anyqtalyp, joiylady. Saýda ministrligi "Qazaqtelekommen" birlesip, deldaldarsyz tek taýar óndirýshilerdi, saýda jelilerin jáne ÁKK-ni tikelei qamtityn agromarketpleisti iske qosýdy pysyqtaýda. Bul jobany iske qosý jyl sońyna deiin josparlanǵan", dep naqtylady Shaqqaliev.
Ósimdik sharýashylyǵynda 2025 jyldyń jeti aiynda eksporttyń ósimi qundyq mánde 51%-dy qurady, onyń ishinde:
- bidai (56%);
- kúnbaǵys mailary (76%);
- mal azyǵy (152%);
- arpa (94%);
- zyǵyr tuqymdary (60%).
Mal sharýashylyǵynda eksporttyń ósimi 27%-dy qurady. Eksporttyq baǵyttardy odan ári keńeitý úshin biyl EAEO-nyń BAÁ jáne Mońǵoliiamen emin-erkin saýda qatynasy týraly kelisimderge qol qoiyldy, EAEO men Indoneziia arasynda da osyndai kelisimge otyrý josparlanýda.
