Belgili jýrnalist Rishat Asqarbekuly bazardaǵy qurylys materialdarynyń baǵasy sharyqtaǵanyn jetkizdi, dep habarlaidy Dalanews.kz.
Onyń sózinshe, ásirese eń kóp qoldanylatyn tsement baǵasy aitarlyqtai qymbattaǵan.
“Byltyr 2–2,2 myń teńgeden satylǵan tsementtiń baǵasy qazir 3 myń teńgege deiin kóterilgeli tur. Bul qalai boldy? Nege baǵada turaqtylyq joq?”, – dedi jýrnalist.
Rishat Asqarbekulynyń pikirinshe, baǵanyń ósýi tek qurylys salasyna emes, qarapaiym halyqtyń turmysyna da salmaq salyp otyr.
“Munyń barlyǵy úi baǵasyna jáne ózge de salalarǵa áser etedi. Sonyń saldarynan halyqtyń qaltasyna salmaq túsip jatyr. Bul másele qashan retteledi? Óte túsiniksiz jaǵdai”, – dep saýal tastady ol.
