ءال-فارابي اتىنداعى قازاق ۇلتتىق ۋنيۆەرسيتەتى تۇڭعىش رەت قازاقستاندىق جوو-لار اراسىندا Times Higher Education University Impact Rankings – 2024 حالىقارالىق رەيتينگىندە توپ 401-600 ورىنعا يە بولدى. حالىقارالىق رەيتينگكە الەمنىڭ 1963 ۋنيۆەرسيتەتى ەنگەن.

بىرىككەن ۇلتتار ۇيىمىنىڭ تۇراقتى دامۋ ماقساتتارى جەر شارىن قورعاۋعا جانە حالىقتىڭ دەنساۋلىعى مەن الەۋمەتتىك ءال-اۋقاتىن جاقسارتۋعا باعىتتالعان.

Times Higher Education University Impact Rankings – 2024 رەيتينگى عىلىمي زەرتتەۋلەر، الەۋمەتتىك باعدارلامالار، رەسۋرستاردى باسقارۋ، ۋنيۆەرسيتەتتىڭ ءبىلىم بەرۋدەگى ۇلەسى باعىتتارى بويىنشا باعالاۋ جۇمىستارىن جۇرگىزدى.

وتكەن جىلمەن سالىستىرعاندا بيىل قازۇۋ ءتۇرلى كريتەرييلەر بويىنشا كوش باستادى. ءبىلىم ورداسى تدم-نىڭ №5 «گەندەرلىك تەڭدىك» باعىتىندا 56-ورىنعا، ال  №7 «قولجەتىمدى جانە تازا ەنەرگيا» باعىتىندا 68-ورىنعا جايعاسىپ، ۇزدىك 100-كە كىردى. وقۋ ورداسى №12 «جاۋاپتى تۇتىنۋ جانە ءوندىرىس»، №14 «تەڭىز ەكوجۇيەلەرىن ساقتاۋ» جانە №15 «قۇرلىق ەكوجۇيەلەرىن ساقتاۋ» بويىنشا توپ-200 جوو قاتارىنا قوسىلدى. №6 «تازا سۋ جانە سانيتاريا» باعىتى بويىنشا 100 پوزيسياعا جوعارىلاپ، 201-300 ورىنعا كوتەرىلدى. «جاقسى دەنساۋلىق جانە الەۋمەتتىك ءال-اۋقات» باعىتىندا  601-800 ورىن الىپ، 200 پوزيسياعا كوتەرىلدى.

ۋنيۆەرسيتەت تۇراقتى دامۋ ماقساتتارىنىڭ «اشتىقتى جويۋ»، «لايىقتى جۇمىس جانە ەكونوميكالىق ءوسۋ»، «يندۋستريالاندىرۋ، يننوۆاسيالار، ينفراقۇرىلىم»، «تۇراقتى قالالار جانە ەلدى مەكەندەر» باعىتى بويىنشا توپ-600 جوو قاتارىندا. سونىمەن قاتار كوشباسشى ءبىلىم ورداسى №16 «بەيبىتشىلىك، ادىلدىك جانە ءتيىمدى ينستيتۋتتار» جانە №17 «تۇراقتى دامۋ ءۇشىن سەرىكتەستىك» بويىنشا ءوز پوزيسياسىن ساقتاپ قالدى.

ءال-فارابي اتىنداعى قازاق ۇلتتىق ۋنيۆەرسيتەتى تدم-نىڭ بارلىق باعىتىن جۇزەگە اسىرۋدا جانە ونى قولدانۋدا اۋقىمدى جۇمىستارىن اتقارا بەرمەك.

ءال-فارابي اتىنداعى قازۇۋ ۇجىمىن الەمدىك رەيتينگتەگى جارقىن جەڭىسىمەن قۇتتىقتايمىز!