2025 جىلى قازاقستاننىڭ شانحاي ىنتىماقتاستىق ۇيىمىنا (شىۇ) مٷشە ەلدەرمەن تاۋار اينالىمى $72,6 ملرد بولدى, دەپ حابارلايدى dalanews.kz.
2024 جىلى بۇل كٶرسەتكٸش $67,7 ملرد بولعان. قازاقستاننىڭ شىۇ ەلدەرٸنە ەكسپورتى $30,7 ملرد, يمپورتى $41,8 ملرد قۇرادى.
قازاقستاننىڭ شىۇ ٸشٸندەگٸ نەگٸزگٸ ساۋدا سەرٸكتەستەرٸ – قىتاي, رەسەي, ٶزبەكستان جەنە قىرعىزستان. 2025 جىلى قىتايمەن تاۋار اينالىمى $34,2 ملرد, رەسەيمەن – $27,4 ملرد, ٶزبەكستانمەن – $4,8 ملرد, قىرعىزستانمەن – $2,2 ملرد بولدى.
قازاقستاننىڭ شىۇ ەلدەرٸنە ەكسپورتىنداعى نەگٸزگٸ تاۋارلار قاتارىندا ۋران, مىس كەندەرٸ مەن كونتسەنتراتتارى, شيكٸ مۇناي, مىس جەنە مىس كاتودتارى, تابيعي گاز, بيداي جەنە فەرروقورىتپالار بار.
2025 جىلى بٸرقاتار اۋىل شارۋاشىلىعى جەنە ٶڭدەۋ ٶنەركەسٸبٸ ٶنٸمدەرٸنٸڭ ەكسپورتى ٶستٸ. اتاپ ايتقاندا, مال ازىعى ەكسپورتى 2,5 ەسەگە ارتىپ, $614,9 ملن-عا جەتتٸ.
كٷنباعىس مايىنىڭ ەكسپورتى 62,4%-عا ٶسٸپ, $633,7 ملن بولدى. بيداي ەكسپورتى 17,1%-عا ارتىپ, $1,13 ملرد-قا جەتتٸ. سونىمەن قاتار ارپا ەكسپورتى 22%-عا, بيداي ۇنى 11,8%-عا, زىعىر تۇقىمىنىڭ ەكسپورتى 72,9%-عا ٶستٸ.
قازاقستان شىۇ ەلدەرٸنەن نەگٸزٸنەن جەڭٸل اۆتوموبيلدەر, اۆتوموبيل كۋزوۆتارى, تابيعي گاز, مۇناي ٶنٸمدەرٸ, التىن, ەسەپتەۋ ماشينالارى, سونداي-اق اۆتوموبيلدەر مەن تراكتورلارعا ارنالعان قوسالقى بٶلشەكتەر يمپورتتايدى.
قازاقستان ەكسپورتىنىڭ نەگٸزگٸ قۇرىلىمىندا ۋران, مىس كەندەرٸ مەن كونتسەنتراتتارى, مۇناي, مىس, تابيعي گاز جەنە بيداي ەلٸ دە باسىم.
سونىمەن قاتار كٷنباعىس مايى, مال ازىعى, ۇن, ارپا جەنە باسقا دا اۋىل شارۋاشىلىعى ٶنٸمدەرٸ ەكسپورتىنىڭ ٶسۋٸ قازاقستاندىق تاۋارلارعا سىرتقى نارىقتاردا سۇرانىس بار ەكەنٸن كٶرسەتٸپ وتىر.
