2025 jyly Qazaqstannyń Shanhai yntymaqtastyq uiymyna (ShYU) múshe eldermen taýar ainalymy $72,6 mlrd boldy, dep habarlaidy dalanews.kz.
2024 jyly bul kórsetkish $67,7 mlrd bolǵan. Qazaqstannyń ShYU elderine eksporty $30,7 mlrd, importy $41,8 mlrd qurady.
Qazaqstannyń ShYU ishindegi negizgi saýda seriktesteri – Qytai, Resei, Ózbekstan jáne Qyrǵyzstan. 2025 jyly Qytaimen taýar ainalymy $34,2 mlrd, Reseimen – $27,4 mlrd, Ózbekstanmen – $4,8 mlrd, Qyrǵyzstanmen – $2,2 mlrd boldy.
Qazaqstannyń ShYU elderine eksportyndaǵy negizgi taýarlar qatarynda ýran, mys kenderi men kontsentrattary, shiki munai, mys jáne mys katodtary, tabiǵi gaz, bidai jáne ferroqorytpalar bar.
2025 jyly birqatar aýyl sharýashylyǵy jáne óńdeý ónerkásibi ónimderiniń eksporty ósti. Atap aitqanda, mal azyǵy eksporty 2,5 esege artyp, $614,9 mln-ǵa jetti.
Kúnbaǵys maiynyń eksporty 62,4%-ǵa ósip, $633,7 mln boldy. Bidai eksporty 17,1%-ǵa artyp, $1,13 mlrd-qa jetti. Sonymen qatar arpa eksporty 22%-ǵa, bidai uny 11,8%-ǵa, zyǵyr tuqymynyń eksporty 72,9%-ǵa ósti.
Qazaqstan ShYU elderinen negizinen jeńil avtomobilder, avtomobil kýzovtary, tabiǵi gaz, munai ónimderi, altyn, esepteý mashinalary, sondai-aq avtomobilder men traktorlarǵa arnalǵan qosalqy bólshekter importtaidy.
Qazaqstan eksportynyń negizgi qurylymynda ýran, mys kenderi men kontsentrattary, munai, mys, tabiǵi gaz jáne bidai áli de basym.
Sonymen qatar kúnbaǵys maiy, mal azyǵy, un, arpa jáne basqa da aýyl sharýashylyǵy ónimderi eksportynyń ósýi qazaqstandyq taýarlarǵa syrtqy naryqtarda suranys bar ekenin kórsetip otyr.
