قازاقستان قارجىگەرلەر قاۋىمداستىعىنىڭ دەرەگٸنە سٷيەنسەك, 2025 جىلى ەل تۇرعىندارى بانكوماتتار ارقىلى 27,3 ترلن تەڭگە قولما-قول اقشا العان. بۇل كٶرسەتكٸش بىلتىرعىمەن سالىستىرعاندا 8%-عا جوعارى, دەپ حابارلايدى Dalanews.kz.
بٸر جىل ٸشٸندە بانك كارتالارى ارقىلى جاسالاتىن قولما-قولسىز تٶلەمدەر 13%-عا ٶسٸپ, 186 ترلن تەڭگەگە جەتتٸ. دەگەنمەن ولاردىڭ جالپى تٶلەمدەردەگٸ ٷلەسٸ كٶپ ٶزگەرمەي, نەبەرٸ 86,7%-دان 87,2%-عا عانا ارتقان. ساراپشىلار مۇنى ٸرٸ قالالاردا قولما-قولسىز تٶلەمدەردٸڭ كەڭٸنەن تارالىپ, نارىقتىڭ بٸرشاما قانىققانىمەن جەنە كەيبٸر ەسەپ ايىرىسۋلاردىڭ ەلٸ دە قولما-قول جاسالاتىنىمەن تٷسٸندٸرەدٸ.
سونىمەن قاتار اينالىمداعى قولما-قول اقشا كٶلەمٸ دە كٶبەيٸپ, 4,7 ترلن تەڭگەگە جەتتٸ. بۇل بٸر جىلدا 8,6%-عا ٶسكەنٸن كٶرسەتەدٸ. ياعني تسيفرلىق تٶلەمدەر دامىعانىمەن, قولما-قول اقشا ەلٸ دە كٷندەلٸكتٸ قولدانىستان تولىق شىققان جوق.
سونداي-اق قولما-قولسىز تٶلەمدەردٸڭ قۇرىلىمى دا بٸرتٸندەپ ٶزگەرٸپ جاتىر. QR ارقىلى تٶلەۋ ٷلەسٸ 9,8%-دان 10,3%-عا دەيٸن ٶسكەن. ال POS-تەرمينال ارقىلى جاسالاتىن تٶلەمدەر ايتارلىقتاي ٶزگەرمەي, 9,5%-دان 9,6%-عا عانا كٶتەرٸلگەن. ينتەرنەت ارقىلى تٶلەۋ بۇرىنعىداي نەگٸزگٸ ٷلەستٸ ساقتاپ وتىر, بٸراق ونىڭ ٷلەسٸ 80,7%-دان 80%-عا سەل تٶمەندەگەن.
