سوڭعى بٸر جىلدا قازاقستاندىق اۋقاتتى ازاماتتار بانكتٸك دەپوزيتتەرگە بالاما ٸزدەۋگە بەلسەندٸ كٸرٸستٸ. قارجى نارىعىنداعى ٶزگەرٸستەرگە بايلانىستى دەپوزيتتەن تىس سالىنعان قاراجاتتىڭ ٷلەسٸ 30 پايىزدان 40–45 پايىزعا دەيٸن ارتقان. ساراپشىلاردىڭ باعالاۋىنشا, بٷگٸندە 10–12 ترلن تەڭگەگە جۋىق جەكە كاپيتال بانك جٷيەسٸنەن تىس اينالىمدا جٷر. بۇل ٷردٸستٸڭ سەبەبٸن Qazaq Expert Club ساراپشىسى, قارجىگەر سايدا تٸلەۋلەنوۆا تٷسٸندٸردٸ, دەپ حابارلايدى Dalanews.kz.
ونىڭ ايتۋىنشا, 2025–2026 جىلدارى تەڭگەدەگٸ دەپوزيتتەردٸڭ ورتاشا مٶلشەرلەمەسٸ 13–15 پايىز دەڭگەيٸندە بولعانىمەن, ينفلياتسييانى ەسكەرگەندە ناقتى تابىس 4–6 پايىزدان اسپايدى.
«كٶپ ادام دەپوزيتتٸ تابىس رەتٸندە كٶرەدٸ. بٸراق ينفلياتسييانى الىپ تاستاعاندا, كٸرٸس ايتارلىقتاي ازايادى. سوندىقتان ينۆەستورلار اقشانى ەرتاراپتاندىرۋعا كٶشتٸ», - دەيدٸ سايدا تٸلەۋلەنوۆا.
ساراپشىنىڭ ايتۋىنشا, بٷگٸندە اۋقاتتى قازاقستاندىقتاردىڭ ينۆەستيتسييالىق پورتفەلٸ بٸرنەشە نەگٸزگٸ باعىتقا بٶلٸنگەن. ەڭ ٷلكەن ٷلەستٸ وبليگاتسييالار الىپ وتىر. مەملەكەتتٸك جەنە كۆازيمەملەكەتتٸك وبليگاتسييالاردىڭ جىلدىق تابىستىلىعى 12–14 پايىز, ال كورپوراتيۆتٸك وبليگاتسييالاردا بۇل كٶرسەتكٸش 14–18 پايىزعا دەيٸن جەتەدٸ. بۇل دەپوزيتكە قاراعاندا تارتىمدىراق, ال تەۋەكەل دەڭگەيٸ شامالاس.
سونىمەن قاتار اكتسييالار مەن ETF-قورلارعا دەگەن قىزىعۋشىلىق ارتىپ كەلەدٸ. مۇنداي ينۆەستيتسييالار ۆاليۋتادا ەسەپتەگەندە 6–9 پايىز ديۆيدەندتٸك تابىس ەكەلۋٸ مٷمكٸن, ال اكتسييا باعاسىنىڭ ٶسۋٸن قوسقاندا, جىلدىق ەلەۋەتتٸ كٸرٸس 10–12 پايىزعا جەتەدٸ.
جىلجىمايتىن مٷلٸك تە كاپيتال قۇرىلىمىندا ماڭىزدى ورىن الىپ وتىر. الايدا كٶزقاراس ٶزگەرگەن. قازٸر ول تەز پايدا تابۋ قۇرالى ەمەس, كاپيتالدى ساقتاۋدىڭ تەسٸلٸ رەتٸندە قاراستىرىلادى. ٷلكەن قالالاردا تۇرعىن ٷيدٸ جالعا بەرۋدەن تٷسەتٸن تابىس ورتا ەسەپپەن 5–7 پايىز, ال كوممەرتسييالىق جىلجىمايتىن مٷلٸكتە 8–10 پايىز شاماسىندا. باعانىڭ ٶسۋ قارقىنى بۇرىنعىداي جوعارى ەمەس.
بۇدان بٶلەك, جەكە بيزنەسكە, ينفراقۇرىلىمدىق جوبالارعا جەنە ستارتاپتارعا ينۆەستيتسييا سالاتىندار دا بار. مۇنداي بالامالى ينۆەستيتسييالار 15–40 پايىزعا دەيٸن تابىس ەكەلۋٸ مٷمكٸن, بٸراق تەۋەكەلٸ دە جوعارى. سوندىقتان بۇل باعىت بارلىق ينۆەستورعا بٸردەي قولايلى ەمەس.
سايدا تٸلەۋلەنوۆانىڭ ايتۋىنشا, بٷگٸنگٸ قازاقستاندىق ينۆەستوردى سيپاتتايتىن باستى بەلگٸ - اقىلعا قونىمدى ەرتاراپتاندىرۋ.
«قازٸر ەموتسييا از, ەسەپ كٶپ. نەگٸزگٸ ماقسات - كەز كەلگەن جولمەن پايدا تابۋ ەمەس, كاپيتالدى ۇزاق مەرزٸمدە ساقتاپ, بٸرتٸندەپ كٶبەيتۋ», - دەيدٸ قارجىگەر.
ساراپشىنىڭ پٸكٸرٸنشە, بۇل ٷردٸس قازاقستاندا ينۆەستيتسييالىق مەدەنيەتتٸڭ جاڭا كەزەڭگە ٶتكەنٸن كٶرسەتەدٸ.
