قازاقستاندىق تسيرك ارتيستەرٸ جاسمينا الشىنباەۆا مەن اۆەلينا گۋزەي رەسەيدٸڭ ساراتوۆ قالاسىندا ٶتكەن XI حالىقارالىق تسيرك ٶنەرٸ فەستيۆالٸ «تسيرك حانشايىمى – 2025»-تە ەڭ جوعارى ماراپات — التىن تەجدٸڭ يەگەرٸ اتاندى, – دەپ حابارلايدى Dalanews.kz
2005 جىلدان بەرٸ ٶتكٸزٸلٸپ كەلە جاتقان بۇل ايتۋلى فورۋم ەلەمنٸڭ تٷكپٸر-تٷكپٸرٸنەن تسيرك ساحناسىنىڭ ٷزدٸك ٶكٸلدەرٸن جيناپ, تسيرك ٶنەرٸنٸڭ دامۋىنا ەيەلدەردٸڭ قوسقان ٷلەسٸن ەرەكشە اتاپ ٶتەدٸ. بيىل رەسەيدٸڭ ەڭ كٶنە تسيركٸ — اعايىندى نيكيتيندەر اتىنداعى ساراتوۆ مەملەكەتتٸك تسيرك ارەناسىندا اقش, مەكسيكا, قىتاي, ۆەتنام, يسپانييا جەنە قازاقستان سەكٸلدٸ 13 ەلدەن قاتىسۋشىلارى ٶنەر كٶرسەتتٸ.
قازاقستان اتىنان قازاق مەملەكەتتٸك تسيركٸنٸڭ ارتيستەرٸ – ەيگٸلٸ تسيرك ەۋلەتٸنٸڭ ٶكٸلٸ جاسمينا الشىنباەۆا مەن تالانتتى ەۋە گيمناستشىسى اۆەلينا گۋزەي قاتىستى. ولار قويۋشى-رەجيسسەر زارينا تاپالوۆانىڭ جەتەكشٸلٸگٸمەن العاش رەت «ەۋە سفەراسى» دەپ اتالاتىن «ساقينادا جۇپتاسا ٶنەر كٶرسەتۋ» جانرى بويىنشا نٶمٸر ۇسىندى.
كٷش, سۇلۋلىق جەنە مٸنسٸز تەحنيكانى ۇشتاستىرعان بۇل ەسەرلٸ قويىلىم حالىقارالىق قازىلار القاسى مەن كٶرەرمەندەردٸ تەنتٸ ەتٸپ, ٶنەرپازدار فەستيۆالدٸڭ باس جٷلدەسٸن يەلەندٸ.
«بٸز بۇل نٶمٸردٸ بٸرنەشە اي بويى دايىندادىق, ەر قيمىلىمىزدى ەبدەن ۇشتادىق. بۇل ٶتە جاۋاپتى سەت بولدى: پرەمەرا, جاڭا ساحنا, حالىقارالىق قازىلار. بٸراق كٷمبەز استىنا شىققان سەتتە قوبالجۋ شابىتقا اينالدى. بۇل بٸزدٸڭ جۇلدىزدى سەتٸمٸز بولدى», - دەدٸ جاسمينا الشىنباەۆا.
قازاقستاندىق گيمناستشىلاردىڭ بۇل جەڭٸسٸ – جەكەلەگەن جەتٸستٸك ەمەس, بٷكٸل وتاندىق تسيرك ٶنەرٸ ٷشٸن زور تابىس. بۇل قازاقستاننىڭ كەسٸبي دەڭگەيٸنٸڭ جەنە شىعارماشىلىق ەلەۋەتٸنٸڭ ەلەمدٸك ارەنادا جوعارى ەكەنٸن دەلەلدەيتٸن ٷلكەن جەتٸستٸك.
