قازاقستاندىق بەلسەندٸ ەلمار حۋساينوۆ Facebook پاراقشاسىندا اقش-تىڭ مۇناي-گاز الىبى Chevron كومپانيياسىمەن تەڭٸز كەن ورنىن يگەرۋ جٶنٸندەگٸ كەلٸسٸمدٸ ۇزارتۋعا قارسى پٸكٸرٸن بٸلدٸردٸ, دەپ حابارلايدى Dalanews.kz.
حۋساينوۆ Chevron تەڭٸز بويىنشا كەلٸسٸمدٸ ۇزارتپاق ەكەنٸن, ونىڭ قاجەتٸ جوق دەپ ويلايمىن, ونسىز دا ەكولوگييانى قۇرتىپ, توناپ بٸتكەنٸن ايتتى.
حۋساينوۆ ٶزٸنٸڭ جازباسىندا Bloomberg اگەنتتٸگٸنٸڭ مەلٸمەتٸن كەلتٸردٸ. باسىلىمنىڭ حابارلاۋىنشا, Chevron كورپوراتسيياسىنىڭ باس ديرەكتورى مايك ۆيرت تەڭٸز بويىنشا كونتسەسسييا مەرزٸمٸن ۇزارتۋدى باستى ستراتەگييالىق ماقساتتاردىڭ بٸرٸ رەتٸندە اتاعان. قازٸرگٸ كەلٸسٸمشارتتىڭ مەرزٸمٸ 2033 جىلى اياقتالادى.
Bloomberg دەرەگٸنشە, ۆيرت الداعى جىلدارعا ٷش نەگٸزگٸ باسىمدىقتى بەلگٸلەگەن:
كورپوراتيۆتٸك مەدەنيەتتٸ قايتا قۇرۋ مەن ترانسفورماتسييانى اياقتاۋ,
Hess كومپانيياسىن ينتەگراتسييالاۋ,
قازاقستانداعى تەڭٸز كەن ورنى بويىنشا كونتسەسسييانى ۇزارتۋ.
Chevron باسشىسى قازاقستان ٷكٸمەتٸمەن كەلٸسسٶزدەر باستالعانىن مەلٸمدەپ, پروتسەستٸ جەكە ٶزٸ اياقتاعىسى كەلەتٸنٸن جەتكٸزدٸ.
«عاسىر مەمٸلەسٸ» جەنە كورپوراتسييانىڭ جوسپارى
تەڭٸز كەن ورنىنا قاتىستى باستاپقى 40 جىلدىق كەلٸسٸم 1994 جىلى جاسالعان بولاتىن. ول «عاسىر كەلٸسٸمٸ» دەپ اتالىپ, امەريكالىق كورپوراتسيياعا پوستكەڭەستٸك كەڭٸستٸكتەگٸ ەڭ ٸرٸ مۇناي قورلارىنا قول جەتكٸزۋگە مٷمكٸندٸك بەرگەن.
Bloomberg جازۋىنشا, كەلٸسٸمدٸ ۇزارتۋ كومپانييانىڭ بولاشاق ستراتەگيياسى ٷشٸن شەشۋشٸ قادام سانالادى. Hess اكتيۆتەرٸن الۋ جەنە تەڭٸزدەگٸ ٶندٸرٸستٸ كەڭەيتۋ ارقىلى Chevron ەلەمدٸك ەنەرگەتيكالىق نارىقتاعى ىقپالىن كٷشەيتٸپ, مۇناي-گاز سالاسىنىڭ كٶشباسشىلارى قاتارىندا قالۋدى كٶزدەپ وتىر.
قارجىلىق كٶرسەتكٸشتەرٸ مىقتى
ساراپشىلاردىڭ ايتۋىنشا, مۇناي مەن گاز باعاسىنىڭ تٶمەندەۋٸنە قاراماستان, Chevron تۇراقتى ٶسٸم كٶرسەتۋدە. سوڭعى بٸر جىلدا كومپانييانىڭ اكتسييالارى 13 پايىزعا قىمباتتاپ, كٶپتەگەن بەسەكەلەستەرٸن باسىپ وزدى. 2024 جىلى كورپوراتسييا شامامەن 15 ملرد دوللار بوس اقشا اعىنىن قالىپتاستىرسا, بيىل بۇل كٶرسەتكٸش 17 ملرد دوللارعا جەتەدٸ دەپ بولجانۋدا.
