Qazaqstandyq belsendi Elmar Hýsaınov Facebook paraqshasynda AQSH-tyń munaı-gaz alyby Chevron kompanıasymen Teńiz ken ornyn ıgerý jónindegi kelisimdi uzartýǵa qarsy pikirin bildirdi, dep habarlaıdy Dalanews.kz.
Hýsaınov Chevron Teńiz boıynsha kelisimdi uzartpaq ekenin, onyń qajeti joq dep oılaımyn, onsyz da ekologıany qurtyp, tonap bitkenin aıtty.
Hýsaınov óziniń jazbasynda Bloomberg agenttiginiń málimetin keltirdi. Basylymnyń habarlaýynsha, Chevron korporasıasynyń bas dırektory Maık Vırt Teńiz boıynsha konsesıa merzimin uzartýdy basty strategıalyq maqsattardyń biri retinde ataǵan. Qazirgi kelisimsharttyń merzimi 2033 jyly aıaqtalady.
Bloomberg dereginshe, Vırt aldaǵy jyldarǵa úsh negizgi basymdyqty belgilegen:
korporatıvtik mádenıetti qaıta qurý men transformasıany aıaqtaý,
Hess kompanıasyn ıntegrasıalaý,
Qazaqstandaǵy Teńiz ken orny boıynsha konsesıany uzartý.
Chevron basshysy Qazaqstan úkimetimen kelissózder bastalǵanyn málimdep, prosesti jeke ózi aıaqtaǵysy keletinin jetkizdi.
«Ǵasyr mámilesi» jáne korporasıanyń jospary
Teńiz ken ornyna qatysty bastapqy 40 jyldyq kelisim 1994 jyly jasalǵan bolatyn. Ol «ǵasyr kelisimi» dep atalyp, amerıkalyq korporasıaǵa postkeńestik keńistiktegi eń iri munaı qorlaryna qol jetkizýge múmkindik bergen.
Bloomberg jazýynsha, kelisimdi uzartý kompanıanyń bolashaq strategıasy úshin sheshýshi qadam sanalady. Hess aktıvterin alý jáne Teńizdegi óndiristi keńeıtý arqyly Chevron álemdik energetıkalyq naryqtaǵy yqpalyn kúsheıtip, munaı-gaz salasynyń kóshbasshylary qatarynda qalýdy kózdep otyr.
Qarjylyq kórsetkishteri myqty
Sarapshylardyń aıtýynsha, munaı men gaz baǵasynyń tómendeýine qaramastan, Chevron turaqty ósim kórsetýde. Sońǵy bir jylda kompanıanyń aksıalary 13 paıyzǵa qymbattap, kóptegen básekelesterin basyp ozdy. 2024 jyly korporasıa shamamen 15 mlrd dollar bos aqsha aǵynyn qalyptastyrsa, bıyl bul kórsetkish 17 mlrd dollarǵa jetedi dep boljanýda.
