دارىگەرلەردىڭ مالىمەتىنشە، قازاقستاندا مەرزىمىنەن بۇرىن تۋعان نارەستەلەردىڭ 40% جۋىعى رەتينوپاتيامەن – شالا تۋعان نارەستەلەردە كورۋ قابىلەتىنىڭ ءبىرجولا جوعالۋىنا اكەپ سوعاتىن كوز اۋرۋىمەن اۋىرادى. ولاردى تولىق سوقىرلىقتان قۇتقارۋ ءۇشىن مۇمكىندىگىنشە ەرتەرەك كۇردەلى دياگنوستيكانى جانە ودان كەيىن كۇردەلىلىگى بۇدان تومەن بولمايتىن لازەرحيرۋرگيالىق وتالاردى جاساۋ قاجەت.
جىل سايىن ەلوردادا 30 مىڭنان استام بالا دۇنيەگە كەلەدى، ونىڭ ىشىندە 1،5 مىڭعا جۋىعىن شالا تۋعان سابيلەر قۇرايدى. رەتينوپاتيانى انىقتاۋ ءۇشىن ەرتە تۋعان نارەستەلەردىڭ سكرينينگى استانانىڭ ءتورت مەديسينالىق ورتالىعىندا: ءۇش پەريناتالدىق ورتالىقتا جانە ابۇعو-دا جۇرگىزىلەدى. تەك وسى مەكەمەلەردە عانا وفتالمولوگ-دارىگەرلەر جۇمىس ىستەيدى، ولار ەڭ ەرتەرەكتەگى بەلگىلەرى بويىنشا وسى كوزدىڭ زۇلىم اۋرۋىن تانىپ، ەمدەي الادى.
AYALA قورىنىڭ كومەگىنىڭ ارقاسىندا انا مەن بالا ۇلتتىق عىلىمي ورتالىعىندا (ابۇعو) شالا تۋعان بالالاردىڭ رەتينوپاتياسىن دياگنوستيكالاۋ مەن ەمدەۋ جاقسارادى. بۇگىن وسى مەديسينالىق ورتالىقتىڭ وفتالمولوگيالىق قىزمەتى «شيەۆرون» كومپانياسىنان اقش-تا جاسالعان زاماناۋي رەتينالدى كامەرانى الدى. ەندى دارىگەرلەر شالا تۋعان نارەستەلەردىڭ كوز اۋرۋىن ساپالى جانە جەدەل تۇردە انىقتاپ، ەمدەي الادى، ويتكەنى ولاردا قاجەتتى وفتالمولوگيالىق جابدىقتاردىڭ تولىق جيىنتىعى: رەتينالدى كامەرا، وفتالموسكوپ جانە لازەرحيرۋرگيالىق قوندىرعى بار.
«وسىدان بىرنەشە جىل بۇرىن قازاقستاننىڭ پەريناتالدىق جانە عىلىمي ورتالىقتارىن ەرتە شالا تۋعان بالالاردىڭ رەتينوپاتياسىن ەرتە سكرينينگكە ارنالعان جابدىقتارمەن جابدىقتاۋ وتە ناشار جاعدايدا بولدى – ول تەك 4 ورتالىقتا عانا تۇردى. ءبىزدىڭ قوردىڭ كۇش-جىگەرىنىڭ ارقاسىندا ولارمەن ەلىمىزدىڭ 16 مەديسينالىق مەكەمەسى، سونىڭ ىشىندە انا مەن بالا ۇلتتىق عىلىمي ورتالىعى جابدىقتالدى. بۇل قازاقستاندا جاڭا تۋعان نارەستەلەردى وفتالمولوگيالىق سكرينينگپەن قامتۋدى شامامەن 12%-عا ۇلعايتۋعا، شالا تۋعان بالالاردا رەتينوپاتيانى انىقتاۋدى 20%-عا ارتتىرۋعا جانە رەتينوپاتيا كەزىندە كوز تورىن لازەركواگۋلياسيالاۋ بويىنشا وتالاردىڭ ۇشتەن ءبىر بولىگىنە كوبىرەك جۇرگىزۋگە كومەكتەستى. ءبىز «شيەۆرون» كومپانياسىنا كورۋ قابىلەتى بويىنشا جاڭا تۋعان بالالاردىڭ مۇگەدەكتىگىن ازايتۋعا كومەكتەسكەنى ءۇشىن شىن جۇرەكتەن العىسىمىزدى بىلدىرەمىز. بۇل ۇلت دەنساۋلىعىنا وتە ماڭىزدى جانە قۇندى ۇلەس»، – دەپ اتاپ ءوتتى AYALA قايىرىمدىلىق قورىنىڭ نەگىزىن قالاۋشى جانە پرەزيدەنتى ايدان سۇلەيمەنوۆا.
«شالا تۋعان نارەستەلەردىڭ رەتينوپاتياسى» جوباسى 2021 جىلدىڭ قازان ايىندا باستالىپ، ق ر دەنساۋلىق ساقتاۋ مينيسترلىگىمەن قول قويىلعان ىنتىماقتاستىق تۋرالى مەموراندۋمعا سايكەس AYALA قق جۇزەگە اسىرۋدا. اتالعان مەموراندۋم اياسىندا قور ق ر دەنساۋلىق ساقتاۋ مينيسترلىگىندە شالا تۋعان نارەستەلەر رەتينوپاتياسىنىڭ نايزاعاي ءتۇرىن ەمدەۋگە ارنالعان انگيوگەنەز ينگيبيتورلارىن ينتراۆيترەالدى ەنگىزۋ بويىنشا كلينيكالىق حاتتامانى بەكىتۋگە ىقپال ەتتى.
جوبانى جۇزەگە اسىرۋدىڭ 1،5 جىلى ىشىندە AYALA قورى دياگنوستيكالىق جانە حيرۋرگيالىق مەديسينالىق قۇرال-جابدىقتاردى، سونىڭ ىشىندە 5 لازەرلىك قوندىرعىنى، 5 رەتينالدى كامەرانى، 16 وفتالموسكوپتى، سونداي-اق «لۋسەنتيس» پرەپاراتىنىڭ 84 قۇتىسىن قازاقستاننىڭ مەملەكەتتىك عىلىمي جانە پەريناتالدىق ورتالىقتارىنا ساتىپ الۋعا جانە بەرۋگە 248 ميلليون تەڭگەدەن استام قاراجات جۇمسادى. وسى كومەكتىڭ ارقاسىندا 3000-نان استام جاڭا تۋعان نارەستە قور جابدىقتارىندا كوز تەكسەرۋىنەن ءوتتى.
«شيەۆرون» كومپانياسىنىڭ وكىلى، الەۋمەتتىك ينۆەستيسيالار جونىندەگى ۇيلەستىرۋشى جانار قوشپانوۆانىڭ ايتۋىنشا، «شيەۆرون» كومپانياسى 2007 جىلدان بەرى AYALA قورىمەن ىنتىماقتاسىپ كەلەدى. «وسى ۋاقىت ىشىندە ءبىز سابيلەر ءولىمىن ازايتۋ جانە ەرتە مۇگەدەكتىكتىڭ الدىن الۋ بويىنشا ونداعان جوبالاردى جۇزەگە اسىردىق. AYALA قورى قازاقستاندا جاڭا تۋعان نارەستەلەردىڭ رەتينوپاتياسىن ەرتە انىقتاۋ جانە دەر كەزىندە ەمدەۋ بويىنشا جۇمىستى العاشقى بولىپ باستاعانداردىڭ ءبىرى بولدى. قوردىڭ 2021 جىلدان باستاپ جۇرگىزىپ كەلە جاتقان كەشەندى جانە جۇيەلى جۇمىستارىنىڭ ارقاسىندا كورۋ قابىلەتى بالالار بويىنشا مۇگەدەكتىگى مەن بالالار سوقىرلىعى بويىنشا كورسەتكىشتەر ايتارلىقتاي تومەندەدى. ءبىز بۇگىن انا مەن بالا ۇلتتىق ورتالىعىنا بەرەتىن وفتالمولوگيالىق جابدىقتار جيىنتىعى سابيلەرگە الەمدى بارلىق بەينەسىمەن كورۋگە مۇمكىندىك بەرەدى دەپ ۇمىتتەنەمىز»، – دەپ اتاپ ءوتتى قوشپانوۆا حانىم.
پەريناتولوگيا مەن نەوناتولوگيانى قولداۋ «شيەۆرون» كومپانياسىنىڭ دەنساۋلىق ساقتاۋ سالاسىنداعى الەۋمەتتىك ينۆەستيسيالارىنىڭ ستراتەگيالىق باعىتتارىنىڭ ءبىرى بولىپ تابىلادى. 1993 جىلى قازاقستاندا جۇمىس ىستەي باستاعاننان بەرى «شيەۆرون» كومپانياسى الماتى جانە استانا قالالارىنداعى پەريناتالدىق جانە نەوناتالدىق بولىمشەلەر مەن ورتالىقتارعا جۇزدەگەن ارنايى جابدىقتاردى تاپسىردى، ەلىمىزدىڭ بارلىق وڭىرلەرىنەن دارىگەرلەر مەن ورتا مەديسينا قىزمەتكەرلەرىنە ارنالعان ونداعان بىلىكتىلىكتى ارتتىرۋ كۋرستارى وتكىزىلدى، سونداي-اق «شيەۆرون» كومپانياسىنىڭ قولداۋىمەن «AYALA اكادەمياسى» ونلاين-پلاتفورماسى قۇرىلدى، ونىڭ كومەگىمەن نەوناتولوگ دارىگەرلەر مەن ورتا مەديسينالىق قىزمەتكەرلەر وزدەرىنىڭ نەگىزگى جۇمىسىنان قول ۇزبەي بىلىكتىلىگىن ارتتىرا الادى. 2023 جىلدىڭ كۇزىندە «شيەۆرون» كومپانياسىنىڭ ارقاسىندا بۇل پلاتفورمادا قازاقستاننىڭ جەتەكشى وفتالمولوگ-دارىگەرى اسەل ۇسەنباي قىزى شاريپوۆادان تەگىن بەينەكۋرستار ورنالاستىرىلادى. كۋرستار قازاقستاندىق وفتالمولوگتارعا جاڭا تۋعان نارەستەلەردىڭ كوز اۋرۋلارىن، سونىڭ ىشىندە رەتينوپاتيانى دياگنوستيكالاۋدىڭ جانە انىقتاۋدىڭ تەوريالىق نەگىزدەرىن الۋعا كومەكتەسەدى. 2022 جىلى كوز اۋرۋلارى قازعزي مەن اسەل ۇسەنباي قىزى شاريپوۆانىڭ باسشىلىعىمەن 12 وفتالمولوگ وقىتىلدى، ولار رەتينوپاتيا دياگنوستيكاسىن مەڭگەرىپ الدى. ولاردىڭ ءبىلىمى مەن زاماناۋي دياگنوستيكالىق جانە لازەرحيرۋرگيالىق جابدىقتاردىڭ بولۋى الداعى 5 جىلدا قازاقستانداعى مىڭداعان جاڭا تۋعان نارەستەلەردىڭ كورۋ قابىلەتىن قۇتقارۋعا كومەكتەسەدى.
