2025 جىلدىڭ قاڭتار–قىركۇيەك ايلارىندا ەلدەگى قولما-قولسىز تولەمدەر كولەمى 135،2 ترلن تەڭگەگە جەتتى. بۇل وتكەن جىلمەن سالىستىرعاندا 15،5% جوعارى. قازاقستان قارجىگەرلەرى قاۋىمداستىعىنىڭ مالىمەتىنشە، بۇگىندە بارلىق تولەمدەردىڭ 87 پايىزى قولما-قولسىز جۇزەگە اسادى، دەپ حابارلايدى Dalanews.kz.
QR-كود ارقىلى جاسالعان تولەمدەر 14 ترلن تەڭگەگە جەتىپ، تاريحتا العاش رەت POS-تەرمينالدارداعى اينالىمدى (12،9 ترلن تەڭگە) باسىپ وزدى.
ينتەرنەت-تولەمدەردىڭ ۇلەسى 80،5%-دان 75،3%-عا تومەندەدى. ساراپشىلار مۇنى حالىقتىڭ ودان دا جىلدام ءارى قولايلى تولەم ادىستەرىنە كوشۋىمەن بايلانىستىرادى.
قولما-قول اقشا اينالىمدا بار بولعانىمەن، ونىڭ ماڭىزى ازايىپ كەلەدى. بانكوماتتاردان 20،1 ترلن تەڭگە الىنعانىمەن، قولما-قولسىز تولەمدەر كولەمى بۇل كورسەتكىشتەن 6،7 ەسە كوپ.
قولما-قولسىز وپەراسيالاردىڭ ۇشتەن ەكىسى الماتى، استانا جانە شىمكەنتتە جاسالادى.
دەگەنمەن، وبلىستار اراسىنداعى سيفرلىق ايىرماشىلىق تارىلىپ كەلەدى. اكمولا، جەتىسۋ جانە تۇركىستان وبلىستارى قولما-قولسىز تولەمدەردىڭ ەڭ جوعارى ءوسىمىن كورسەتكەن وڭىرلەردىڭ قاتارىندا.
