ەركىن كۇرەستەن تۇڭعىش الەم چەمپيونى ريزابەك ايتمۇحاننىڭ اتىنا سپورت كەشەنى بەرىلدى. اتىراۋ قالاسىندا سالىنعان سپورت ورتالىعىن كاسىپكەر، سپورت جاناشىرى ارمان توعايەۆ قارجىلاندىردى، دەپ حابارلايدى Dalanews.kz
جەكە دەمەۋشىلەردىڭ قولداۋىمەن بوي كوتەرگەن سپورت كەشەنى زاماناۋي سپورت قۇرىلعىلارىمەن جابدىقتالعان. اتىراۋ قالاسىندا عى بۇل جاڭا سپورت ورتالىعى ەركىن كۇرەستەن الەم چەمپيونى، قازاقستان چەمپيونى ريزابەك ايتمۇحان ەسىمىمەن اتالادى.
اشىلۋ سالتاناتىنا كوپتەگەن كۇرەس الەمىنىڭ شەبەرلەرى، سپورتقا ەڭبەك سىڭىرگەن مەملەكەت جانە قوعام قايراتكەرلەرى ارنايى قاتىستى. ق ر ءماجىلىس دەپۋتاتى، وليمپيادا جۇلدەگەرلەرى داۋلەت تۇرلىحانوۆ قۇتتىقتاۋىن جەتكىزىپ، سپورت جاناشىرلارىنا العىسىن ءبىلدىردى.
ول اتىراۋ حالقى ءۇشىن جاستاردىڭ بولاشاعى ءۇشىن شىن جۇرەكتەن قۋاناتىنىن جانە باسقا وڭىرلەر دە وسى ءبىر باستامانى قولدايتىنىنا سەنىم ءبىلدىردى.
گرەك-ريم جانە ەركىن كۇرەستەن الەم بىرىنشىلىكتەرىمەن، ازيا جانە وليمپيادا ويىندارىنىڭ جەڭىمپازدارى مەن جۇلدەگەرلەرى دە اشىلۋ سالتاناتىنا قاتىستى. ولاردىڭ ساپىندا يۋريي مەلنيچەنكو، دەمەۋ جادىرايەۆ، نۇرقوجا قايپانوۆ، ايدوس سۇلتانعالي، ريزابەك ايتمۇحان، بولات ساقايەۆ، داۋلەت نيازبەكوۆ سياقتى بوز كىلەم شەبەرلەرى كەلىپ جوبانى قولداپ، شىن جۇرەكتەن قۋانىپ قايتتى.
“مەن شىنىمەن دە قۋانىشتىمىن، سەبەبى ەلىمىزدە بۇنداي جوبالار از. وسىنداي سپورت كەشەندەرى دامىپ، تاعى دا كوپتەگەن چەمپيوندارىمىزدى تاربيەلەيتىن سپورت نىساندارى سالىنا بەرسىن. بۇل راسىندا دا بولاشاق چەمپيونداردى دامىتۋعا ءوز سەپتىگىن تيگىزگەلى تۇر. اتىراۋ حالقى ءۇشىن ءدان ريزامىن”،- دەدى وليمپيادا جۇلدەگەرى دەمەۋ جادىرايەۆ.
“مەن بۇل سپورت كەشەننىڭ سالىنعانا وتە قاتتى قۋاندىم جانە قولداپ كەلگەن جانە ونى سالۋعا اتسالىسقان اعالارعا راحمەتىمدى ايتامىن. ايتايىن دەگەنىم، 2023 جىلى مەن چەمپيون بولىپ كەلگەنىمدە ارمان توعايەۆ اعام مەنى اتىراۋعا شاقىرتىپ ەل الدىندا: “سەن ەركىن كۇرەستەن تۇڭعىش چەمپيونسىڭ، اماندىق بولسا سەنىڭ اتىڭا سپورت كەشەنىن سالدىرتامىن” دەگەن. مىنە سول ۋادەسىندە تۇرىپ، وسىنداي كۇرەس اكادەمياسىن اشتى”،- دەيدى ريزابەك ايتمۇحان.
سپورت جاناشىرى ارمان توعايەۆ بولاشاق جوسپارلارىن ورتاعا سالدى. ول بۇل تەك باستاماسى، ەلىمىزدىڭ ءار بۇرىشىنان وسىنداي كەشەندەر سالۋ ويىمىزدا بار، دەدى. ال داۋلەت تۇرلىحانوۆ ورتالىققا اۆتوبۋس سىيلايتىنىن ايتتى.
ءدىناسىل حاميت
