"اتامەكەن" كاسىپكەرلەر پالاتاسىنىڭ ءتوراعاسى رايىمبەك باتالوۆتىڭ 4 ورىنباسارى بىردەي قىزمەتتەن كەتكەن، دەپ حابارلايدى Dalanews.kz
مۇندا "اتامەكەن" ۇلتتىق كاسىپكەرلەر پالاتاسى باسقارما مۇشەلەرى – باسقارما ءتوراعاسىنىڭ ورىنباسارلارى جايلى ءسوز بولىپ وتىر.
ەربول ەسەنەيەۆ، مۇرات امرين، تيمۋر ناحيپبەكوۆ جانە ەربول ۇستەمىروۆ 2025 جىلعى 28 تامىزدا ەڭبەك كودەكسىنىڭ 50-بابىنا سايكەس ءوز وكىلەتتىكتەرىن مەرزىمىنەن بۇرىن توقتاتۋ تۋرالى ءوتىنىش بەرگەن. «باسقارما مۇشەلەرىنىڭ وكىلەتتىكتەرىن توقتاتۋ پالاتا پرەزيديۋمىنىڭ قۇزىرەتىنە جاتادى»، – دەپ حابارلادى ۇيىم.
بەلگىلى بولعانىنداي، 29 قىركۇيەكتە وتكەن پرەزيديۋم وتىرىسىنىڭ قورىتىندىسى بويىنشا ولاردىڭ وكىلەتتىكتەرىن توقتاتۋ تۋرالى شەشىم قابىلدانىپ، قاۋلىمەن بەكىتىلدى. ولار 30 قىركۇيەككە دەيىن، سول كۇندى قوسا العاندا، قىزمەت اتقارعان.
«اتالعان باسقارما مۇشەلەرىنىڭ بارلىعى پرەزيديۋم وتىرىسىنا قاتىسىپ، قابىلدانعان شەشىممەن تانىستى، سونداي-اق، پالاتا قىزمەتىنە كوپ جىلعى ادال ەڭبەگى مەن ەلەۋلى ۇلەسى ءۇشىن II دارەجەلى “ادال ەڭبەگى ءۇشىن” مەدالىمەن ماراپاتتالدى»، – دەپ ناقتىلادى ۇيىم.
«اتامەكەن» سايتىندا كورسەتىلگەندەي، ءتوراعا مىندەتىن اتقارۋشى – رايمبەك باتالوۆ، ونىڭ ورىنباسارلارى – گۇلنار بيجانوۆا، تيمۋر جاركەنوۆ، سانجار ىزتەلەۋوۆ، مۇرات كاريمساكوۆ، ءنازيرا ۇسەنوۆا جانە نۇرسۇلتان شوكانوۆ.
