"Atameken" kásipkerler palatasynyń tóraǵasy Raiymbek Batalovtyń 4 orynbasary birdei qyzmetten ketken, dep habarlaidy Dalanews.kz
Munda "Atameken" Ulttyq kásipkerler palatasy Basqarma músheleri – basqarma tóraǵasynyń orynbasarlary jaily sóz bolyp otyr.
Erbol Eseneev, Murat Amrin, Timýr Nahipbekov jáne Erbol Ústemirov 2025 jylǵy 28 tamyzda Eńbek kodeksiniń 50-babyna sáikes óz ókilettikterin merziminen buryn toqtatý týraly ótinish bergen. «Basqarma músheleriniń ókilettikterin toqtatý Palata prezidiýmynyń quzyretine jatady», – dep habarlady uiym.
Belgili bolǵanyndai, 29 qyrkúiekte ótken prezidiým otyrysynyń qorytyndysy boiynsha olardyń ókilettikterin toqtatý týraly sheshim qabyldanyp, qaýlymen bekitildi. Olar 30 qyrkúiekke deiin, sol kúndi qosa alǵanda, qyzmet atqarǵan.
«Atalǵan basqarma músheleriniń barlyǵy prezidiým otyrysyna qatysyp, qabyldanǵan sheshimmen tanysty, sondai-aq, palata qyzmetine kóp jylǵy adal eńbegi men eleýli úlesi úshin II dárejeli “Adal eńbegi úshin” medalimen marapattaldy», – dep naqtylady uiym.
«Atameken» saitynda kórsetilgendei, tóraǵa mindetin atqarýshy – Raimbek Batalov, onyń orynbasarlary – Gúlnar Bijanova, Timýr Jarkenov, Sanjar Izteleýov, Murat Karimsakov, Názira Úsenova jáne Nursultan Shokanov.
