اقتاۋدا بومبا تۋرالى جالعان حابارلاما تاراتقان كۇدىكتى ۇستالدى، – دەپ حابارلايدى Dalanews.kz.
Polisia.kz مالىمەتى بويىنشا، اقتاۋدا پوليسەيلەر "جارىلعىش زات قويىلدى" دەگەن كورىنەۋ جالعان اقپارات تاراتقان كۇدىكتى ۇستالدى. 25 قازان Telegram مەسسەندجەرىندەگى "1414" ارناسىنا اقتاۋ قالاسىنداعى ساۋدا-ويىن-ساۋىق ورتالىعىندا جارىلعىش زات بار ەكەنى تۋرالى حابارلاما كەلىپ ءتۇستى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 273-بابى بويىنشا قىلمىستىق ءىس قوزعالدى.
كيبەرقىلمىسقا قارسى ءىس-قيمىل باسقارماسى جۇرگىزگەن جەدەل ءىس-شارالار ناتيجەسىندە تەرروريزم اكتىسى تۋرالى كورىنەۋ جالعان حابارلاما تاراتۋعا قاتىسى بار ءجاسوسپىرىم ۇستالدى. كۇدىكتى ۋاقىتشا ۇستاۋ يزولياتورىنا قاماۋعا الىندى. پوليسيا تەرروريزم اكتىسى تۋرالى كورىنەۋ جالعان حابارلاۋ — اۋىر قىلمىس، جانە ول ءۇشىن قىلمىستىق جاۋاپكەرشىلىك كوزدەلگەنىن ەسكەرەتەدى. تۇرعىنداردى راستالماعان جانە جالعان اقپارات تاراتپاۋعا، قوعامدىق قاۋىپسىزدىككە ءقاۋىپ توندىرەتىن ارەكەتتەردەن ساق بولۋعا شاقىرادى.
