Aqtaýda bomba týraly jalǵan habarlama taratqan kúdikti ustaldy, – dep habarlaidy Dalanews.kz.
Polisia.kz málimeti boiynsha, Aqtaýda politseiler "jarylǵysh zat qoiyldy" degen kórineý jalǵan aqparat taratqan kúdikti ustaldy. 25 qazan Telegram messendjerindegi "1414" arnasyna Aqtaý qalasyndaǵy saýda-oiyn-saýyq ortalyǵynda jarylǵysh zat bar ekeni týraly habarlama kelip tústi. Atalǵan derek boiynsha Qazaqstan Respýblikasy Qylmystyq kodeksiniń 273-baby boiynsha qylmystyq is qozǵaldy.
Kiberqylmysqa qarsy is-qimyl basqarmasy júrgizgen jedel is-sharalar nátijesinde terrorizm aktisi týraly kórineý jalǵan habarlama taratýǵa qatysy bar jasóspirim ustaldy. Kúdikti ýaqytsha ustaý izoliatoryna qamaýǵa alyndy. Politsiia terrorizm aktisi týraly kórineý jalǵan habarlaý — aýyr qylmys, jáne ol úshin qylmystyq jaýapkershilik kózdelgenin eskeretedi. Turǵyndardy rastalmaǵan jáne jalǵan aqparat taratpaýǵa, qoǵamdyq qaýipsizdikke qaýip tóndiretin áreketterden saq bolýǵa shaqyrady.
