قازاقستاندا قوي ەتٸنٸڭ باعاسى بٸر جىل ٸشٸندە 27,9%-عا ٶستٸ. شٸلدە ايىندا ونىڭ ورتاشا قۇنى بٸر كيلوگرامىنا 4,5 مىڭ تەڭگەگە جەتكەن. بۇل – نەگٸزگٸ ەت تٷرلەرٸ اراسىنداعى ەڭ جوعارى ٶسٸم, دەپ حابارلايدى dalanews.kz.
"زا نامي ۋجە ۆىەحالي" تەلەگرام ارناسىنىڭ مەلٸمەتٸنشە, قوي ەتٸ استانا تۇرعىندارىنا ەڭ قىمباتقا تٷسكەن. ەلوردادا ونىڭ بٸر كيلوگرامى ورتا ەسەپپەن 5,4 مىڭ تەڭگەدەن ساتىلدى. ال ەڭ تٶمەن باعا كٶكشەتاۋدا تٸركەلٸپ, كەلٸسٸنە 3,8 مىڭ تەڭگەنٸ قۇرادى.
كٶكتەمدە اۋىل شارۋاشىلىعى مينيسترلٸگٸ باعانىڭ كٶتەرٸلۋٸن قۇربان ايت قارساڭىنداعى ماۋسىمدىق سۇرانىسپەن تٷسٸندٸرگەن ەدٸ. الايدا مەرەكە اياقتالعاننان كەيٸن دە قوي ەتٸ ارزانداعان جوق. كەرٸسٸنشە, مامىردا باعا بٸردەن 4,7%-عا ٶستٸ. بۇل – كەمٸندە 2011 جىلدان بەرگٸ ەڭ جوعارى ايلىق كٶرسەتكٸش. ماۋسىمدا قوي ەتٸ تاعى 4,2%-عا, شٸلدەدە 2,3%-عا قىمباتتادى.
باسقا ەت تٷرلەرٸنٸڭ باعاسى دا ايتارلىقتاي ٶسكەن. بٸر جىلدا سيىر ەتٸ 15,1%-عا, جىلقى ەتٸ 14,4%-عا, شوشقا ەتٸ 11,3%-عا قىمباتتادى. جالپى, ەلٸمٸزدەگٸ ەت باعاسى ورتا ەسەپپەن 15,8%-عا كٶتەرٸلدٸ.
باعانىڭ مۇنداي قارقىنمەن ٶسۋٸ ەت ٶندٸرٸسٸ رەكوردتىق دەڭگەيگە جەتكەن تۇستا بايقالىپ وتىر. بيىلعى جەتٸ ايدا قازاقستاندا 48,2 مىڭ توننا بالعىن جەنە سالقىنداتىلعان ەت ٶندٸرٸلگەن. بۇل – 1999 جىلدان بەرٸ وسى كەزەڭدە تٸركەلگەن ەڭ جوعارى كٶرسەتكٸش.
