ساۋدا جەنە ينتەگراتسييا مينيسترلٸگٸ ازاماتتاردىڭ شاعىمدارىنا بايلانىستى بەنزين ساپاسىن تەكسەرۋدٸ جالعاستىرىپ جاتىر. زەرتتەۋ جانارمايدىڭ زاۋىتتان باستاپ جانارماي قۇيۋ ستانتسييالارىنا دەيٸنگٸ بارلىق تٸزبەگٸن قامتيدى, دەپ حابارلايدى dalanews.kz.
مينيسترلٸك مەلٸمەتٸنشە, قازٸرگٸ ۋاقىتتا ازاماتتاردان تٷسكەن 12 ٶتٸنٸش قارالۋدا. ونىڭ توعىزى استانادان, بٸرەۋٸ پاۆلوداردان جەنە ەكەۋٸ سولتٷستٸك قازاقستان وبلىسىنان تٷسكەن.
پاۆلودار وبلىسى بويىنشا ساۋدا جەنە ينتەگراتسييا مينيسترلٸگٸنٸڭ تەحنيكالىق رەتتەۋ جەنە مەترولوگييا كوميتەتٸنٸڭ اۋماقتىق دەپارتامەنتٸ تەۋەلسٸز زەرتحاناعا پاۆلودار مۇناي-حيمييا زاۋىتىنان تٸكەلەي الىنعان بەنزيننٸڭ اربيتراجدىق سىنامالارىن تاپسىردى.
سونىمەن قاتار Sinoil, QazaqOil جەنە Helios قوسپالارى بار وتىن ٷلگٸلەرٸ دە جەكە زەرتتەلٸپ جاتىر. زەرتتەۋ نەتيجەلەرٸ بٸر اپتا ٸشٸندە بەلگٸلٸ بولادى دەپ كٷتٸلۋدە.
بۇدان بٶلەك, مينيسترلٸك 17 جانارماي قۇيۋ ستانتسيياسىندا باقىلاۋ ساتىپ الۋىن جٷرگٸزگەن. ونىڭ بەسەۋٸ الماتىدا, بەسەۋٸ الماتى وبلىسىندا, التاۋى اباي وبلىسىندا جەنە بٸرەۋٸ جامبىل وبلىسىندا ورنالاسقان. قازٸر الىنعان جانارماي ٷلگٸلەرٸنە زەرتحانالىق سىناق جٷرگٸزٸلٸپ جاتىر.
مينيسترلٸكتٸڭ مەلٸمەتٸنشە, تەكسەرۋ تەك بەنزين ٶندٸرٸلەتٸن زاۋىتتارمەن شەكتەلمەيدٸ. ماماندار وتىننىڭ تۇتىنۋشىعا ساتىلعانعا دەيٸنگٸ بارلىق كەزەڭدەگٸ ساپاسىن باعالايدى.
«تەكسەرۋ اياسىندا سىنامالار بارلىق تٸزبەك بويىنشا, ونىڭ ٸشٸندە مۇناي بازالارىندا دا الىنادى. بۇل ٷشٸن قاجەتتٸ نورماتيۆتٸك-تەحنيكالىق قۇجاتتار, مەملەكەتتٸك ستاندارتتار جەنە سىناق زەرتحانالارى بار», – دەپ حابارلادى ساۋدا جەنە ينتەگراتسييا مينيسترلٸگٸ.
ەگەر بەنزيننٸڭ تەحنيكالىق رەگلامەنت تالاپتارىنا سەيكەس كەلمەيتٸنٸ انىقتالسا, زاڭناماعا سەيكەس شارالار قابىلدانادى. ونىڭ ٸشٸندە تالاپقا ساي ەمەس جانار-جاعارماي ماتەريالدارىن ساتۋعا تىيىم سالۋ جەنە اينالىمنان الىپ قويۋ قاراستىرىلعان.
مينيسترلٸك زەرتتەۋ جۇمىستارىنىڭ نەتيجەلەرٸ تۋرالى جۇرتشىلىققا قوسىمشا اقپارات بەرەتٸنٸن مەلٸمدەدٸ.
