استانادا فەلدشەر ۇلدانا مىرزۋاننىڭ قازاسىنا قاتىستى سوتتا كۋەگەر ٷيدٸڭ قازٸرگٸ تٶراعاسى ساۋلە جۇبانييازوۆانىڭ عيماراتتاعى مەسەلەلەردەن حاباردار بولعانىن ايتتى, دەپ حابارلايدى dalanews.kz.
سوتتا كەرەگەسٸ قۇلاعان تۇرعىن ٷيدٸ بۇعان دەيٸن باسقارعان گٷلجاۋحار احمەتوۆا كۋەگەر رەتٸندە جاۋاپ بەردٸ. ونىڭ ايتۋىنشا, ساۋلە جۇبانييازوۆا تۇرعىنداردىڭ ورتاق چاتىندا بولعان جەنە عيماراتتاعى مەسەلەلەردەن حاباردار ەدٸ.
كۋەگەردٸڭ سٶزٸنشە, ٷي تۇرعىندارى چاتتا عيماراتتىڭ جاعدايىنا قاتىستى مەسەلەلەردٸ تالقىلاعان. جۇبانييازوۆا دا چاتتا بولعانىمەن, تالقىلاۋلارعا بەلسەندٸ ارالاسپاعان. احمەتوۆا بۇل تۋرالى سۇراققا جاۋاپ بەرە وتىرىپ, «بەرٸمٸز بٸلدٸك, ول جەردە مٸندەتتٸ تٷردە» دەگەن مازمۇندا جاۋاپ بەردٸ.
احمەتوۆا بۇعان دەيٸن ٷيدٸڭ قاسبەتٸندە جارىق پايدا بولعانىن ايتقان. ونىڭ سٶزٸنشە, انىقتالعان اقاۋدى ماماندار جٶندەگەن. سونىمەن قاتار عيماراتتىڭ باسقا بٶلٸكتەرٸندە دە قۇرىلىسقا قاتىستى مەسەلەلەر بولعان.
ەسكە سالايىق, 2025 جىلعى 8 قاراشادا استانادا تەۋەلسٸزدٸك داڭعىلىنداعى كٶپقاباتتى ٷيدٸڭ قاسبەتٸ قۇلاپ, بەس ادام زارداپ شەككەن. ولاردىڭ اراسىندا جەدەل جەردەم فەلدشەرٸ ۇلدانا مىرزۋان دا بولدى. كەيٸن ول العان جاراقاتىنان كٶز جۇمدى.
قازٸر ساۋلە جۇبانييازوۆا ٸس بويىنشا ورتاق مٷلٸكتٸ باسقارۋ بٸرلەستٸگٸنٸڭ (وسب) تٶراعاسى رەتٸندە سوتتالۋشى رەتٸندە ٶتٸپ جاتىر. ول ٶز كٸنەسٸن مويىندامايدى.
بۇعان دەيٸن قورعاۋشى قۇرىلىس-تەحنيكالىق ساراپتاما قورىتىندىسىنا سٸلتەمە جاساپ, قيراۋعا عيمارات كونسترۋكتسيياسىنداعى اقاۋلار, سونىڭ ٸشٸندە قالاۋ جۇمىستارىنىڭ ساپاسىز ورىندالۋى مەن كٸرپٸشتەردٸڭ دۇرىس بەكٸتٸلمەۋٸ سەبەپ بولۋى مٷمكٸن ەكەنٸن ايتقان. سونداي-اق قورعاۋ تاراپى جۇبانييازوۆانىڭ وسب تٶراعاسى قىزمەتٸنە 2025 جىلعى مامىردا عانا كەلگەنٸن العا تارتقان.
ٸس بويىنشا سوت وتىرىسى جالعاسىپ جاتىر.
