جۋرناليست گٷلميرا ەبٸقاي بٸرٸككەن اراب ەمٸرلٸكتەرٸنٸڭ شاردجا قالاسىندا ٶلٸ تابىلعان قازاقستاندىق اپالى-سٸڭلٸلەر ٸسٸنە قاتىستى پٸكٸر بٸلدٸردٸ. ول Threads پاراقشاسىندا مارقۇمداردىڭ تۋىستارى كٷدٸكتٸ دەپ كٶرسەتكەن ازامات تۋرالى تاراعان مەلٸمەتتەردٸ بٶلٸستٸ, دەپ حابارلايدى dalanews.kz.
جۋرناليستٸڭ سٶزٸنشە, قازا تاپقان قىزداردىڭ تۋىستارى ولاردىڭ دەنەسٸن ەلگە جەتكٸزۋ ٷشٸن دۋبايعا اتتانعان.
"ارابييادا كٸسٸ قولىنان قازا تاپقان اپالى-سٸڭلٸنٸڭ دەنەسٸن الۋعا تۋىستارى دۋبايعا ۇشىپ كەتتٸ. كٷدٸكتٸ وسى جٸگٸت دەپ جازۋدا مارقۇمنىڭ جاقىندارى. بۇل جٸگٸت ەلدە جٷرگەندە تالاي قىزدى قورلاعانى تۋرالى اقپارات تارادى. دٸننٸڭ ارتىنا تىعىلىپ تالاي قىلمىسكەر جٷر-اۋ. بٸر ٷيدٸڭ قوس بوتاسىنان ايىرىلىپ, اتا-اناسى اڭىراپ قالدى", — دەپ جازدى گٷلميرا ەبٸقاي.
ايتا كەتەيٸك, جۋرناليست كەلتٸرگەن كٷدٸكتٸگە قاتىستى بۇل مەلٸمەتتەر ەزٸرگە رەسمي ورگاندار تاراپىنان راستالعان جوق.
بۇعان دەيٸن قازاقستاننىڭ سىرتقى ٸستەر مينيسترلٸگٸ شاردجادا ەكٸ قازاقستاندىق ازاماتتىڭ قازا تاپقانىن راستاعان ەدٸ. ۆەدومستۆو مەلٸمەتٸنشە, قازاقستاننىڭ دۋبايداعى باس كونسۋلدىعى مارقۇمداردىڭ وتباسىنا قاجەتتٸ كونسۋلدىق-قۇقىقتىق كٶمەك كٶرسەتٸپ, وقيعانىڭ مەن-جايىن انىقتاۋ ٷشٸن باە-نٸڭ قۇزىرلى ورگاندارىمەن بايلانىستا جۇمىس ٸستەپ جاتىر.
