Jýrnalist Gúlmira Ábiqai Birikken Arab Ámirlikteriniń Shardja qalasynda óli tabylǵan qazaqstandyq apaly-sińliler isine qatysty pikir bildirdi. Ol Threads paraqshasynda marqumdardyń týystary kúdikti dep kórsetken azamat týraly taraǵan málimetterdi bólisti, dep habarlaidy dalanews.kz.
Jýrnalistiń sózinshe, qaza tapqan qyzdardyń týystary olardyń denesin elge jetkizý úshin Dýbaiǵa attanǵan.
"Arabiiada kisi qolynan qaza tapqan apaly-sińliniń denesin alýǵa týystary Dýbaiǵa ushyp ketti. Kúdikti osy jigit dep jazýda marqumnyń jaqyndary. Bul jigit elde júrgende talai qyzdy qorlaǵany týraly aqparat tarady. Dinniń artyna tyǵylyp talai qylmysker júr-aý. Bir úidiń qos botasynan aiyrylyp, ata-anasy ańyrap qaldy", — dep jazdy Gúlmira Ábiqai.
Aita keteiik, jýrnalist keltirgen kúdiktige qatysty bul málimetter ázirge resmi organdar tarapynan rastalǵan joq.
Buǵan deiin Qazaqstannyń Syrtqy ister ministrligi Shardjada eki qazaqstandyq azamattyń qaza tapqanyn rastaǵan edi. Vedomstvo málimetinshe, Qazaqstannyń Dýbaidaǵy Bas konsýldyǵy marqumdardyń otbasyna qajetti konsýldyq-quqyqtyq kómek kórsetip, oqiǵanyń mán-jaiyn anyqtaý úshin BAÁ-niń quzyrly organdarymen bailanysta jumys istep jatyr.
