قازاقستاندا تۇرعىن ٷيدٸ بٶلۋ ٷدەرٸسٸ جاڭا تسيفرلىق مودەلگە كٶشتٸ. وتباسى بانك بۇل جۇمىستى اۆتوماتتاندىرۋ ٷشٸن «تۇرعىن ٷيمەن قامتاماسىز ەتۋ ورتالىعى» تسيفرلىق پلاتفورماسى مەن orken.otbasybank.kz پورتالىن ٸسكە قوستى, دەپ حابارلايدى dalanews.kz.
جاڭا جٷيەنٸڭ باستى ەرەكشەلٸگٸ – ازاماتتاردىڭ دەرەكتەرٸن تەكسەرۋدەن باستاپ, تۇرعىن ٷي الۋ تالاپتارىنا سەيكەستٸگٸن انىقتاۋعا دەيٸنگٸ نەگٸزگٸ پروتسەستەر ادامنىڭ تٸكەلەي ارالاسۋىنسىز جٷزەگە اسىرىلادى.
پلاتفورما 15 مەملەكەتتٸك دەرەكتەر بازاسىمەن ينتەگراتسييالانعان. جٷيە ٶتٸنٸش بەرۋشٸ تۋرالى مەلٸمەتتەردٸ اۆتوماتتى تٷردە سالىستىرىپ, قايتالاناتىن اقپاراتتى انىقتايدى جەنە ازاماتتىڭ تۇرعىن ٷي بٶلۋ تالاپتارىنا سەيكەستٸگٸن تەكسەرەدٸ.
وسىلايشا ەربٸر وتباسى بويىنشا قاجەتتٸ مەلٸمەتتەر جيناقتالعان تسيفرلىق كارتا قالىپتاسادى. بۇرىن مامانداردىڭ قاتىسۋىن جەنە بٸرقاتار قۇجاتتى تەكسەرۋدٸ قاجەت ەتكەن جۇمىستار ەندٸ اۆتوماتتى رەجيمدە ورىندالادى. بۇل بٸر جاعىنان قاعازباستىلىقتى قىسقارتسا, ەكٸنشٸ جاعىنان تۇرعىن ٷي بٶلۋ كەزٸندە ادام فاكتورىنىڭ ىقپالىن بارىنشا ازايتۋعا مٷمكٸندٸك بەرەدٸ.
تسيفرلاندىرۋ تۇرعىن ٷي كەزەگٸندە تۇرعان ازاماتتارعا دا جاڭا مٷمكٸندٸكتەر اشتى. 2026 جىلدىڭ شٸلدەسٸنەن باستاپ, ولاردىڭ جەكە كابينەتٸ Otbasy bank موبيلدٸ قوسىمشاسىندا قولجەتٸمدٸ بولدى. ەندٸ ازاماتتار سمارتفون ارقىلى ٶز مەرتەبەسٸن, ساناتىن, ەسەپكە قويىلعان كٷنٸن جەنە ٶڭٸرٸن تەكسەرە الادى. سونداي-اق ەتسق ارقىلى دەربەس دەرەكتەردٸ جيناۋعا جەنە ٶڭدەۋگە كەلٸسٸم بەرۋگە مٷمكٸندٸك بار.
جىل سوڭىنا دەيٸن قوسىمشانىڭ فۋنكتسيونالى تاعى كەڭەيمەك. ازاماتتار موبيلدٸ قوسىمشا ارقىلى تۇرعىن ٷيگە مۇقتاج رەتٸندە ەسەپكە تۇرىپ, تۇرعىن ٷيدٸ بٶلۋگە قاتىسۋ ٷشٸن قاجەتتٸ كەلٸسٸمگە قول قويا الادى.
بۇل ٶزگەرٸس اۋىلدار مەن شالعاي ەلدٸ مەكەندەردە تۇراتىن ازاماتتار ٷشٸن دە ماڭىزدى. بۇعان دەيٸن بٸرقاتار قىزمەتتٸ الۋ ٷشٸن كومپيۋتەر پايدالانۋ نەمەسە اۋداندىق, وبلىستىق ورتالىققا بارۋ قاجەت بولسا, ەندٸ نەگٸزگٸ رەسٸمدەردٸ سمارتفون ارقىلى ورىنداۋعا مٷمكٸندٸك جاسالادى.
مەملەكەتتٸك قولداۋ شارالارى اياسىنداعى تۇرعىن ٷي باعدارلامالارىن ٸسكە اسىرۋ ٷشٸن جەرگٸلٸكتٸ اتقارۋشى ورگاندار وتباسى بانككە 32188 تۇرعىن ٷي نىسانىن تاپسىردى.
ونىڭ 20321-ٸ «جاو-دان جالعا بەرٸلەتٸن تۇرعىن ٷي» باعىتىنا تيەسٸلٸ. بٷگٸنگە دەيٸن سونىڭ 15511-ٸ بٶلٸندٸ. ال «نەسيەلٸك تۇرعىن ٷي» باعىتى بويىنشا بانككە 11867 باسپانا بەرٸلٸپ, 6922 قارىز رەسٸمدەلدٸ.
بۇل كٶرسەتكٸشتەر جاڭا مودەلدٸڭ تۇرعىن ٷي بٶلۋ قارقىنىنا دا ەسەر ەتكەنٸن اڭعارتادى. بۇعان دەيٸن ەكٸمدٸكتەر جىلىنا ورتا ەسەپپەن 7 مىڭعا جۋىق پەتەر بٶلەتٸن. بۇل جۇمىسقا ەلٸمٸزدە شامامەن 700 قىزمەتكەر تارتىلعان.
قازٸر بۇل ماڭىزدى مٸندەتتٸ وتباسى بانكتٸڭ نەبارى 20 مامانى اتقارادى. ال اۆتوماتتاندىرۋدىڭ نەتيجەسٸندە تۇرعىن ٷيدٸ بٶلۋ قارقىنى بۇرىنعىدان ٷش ەسە ارتقان.
وسىلايشا تسيفرلىق جٷيە تەك قىزمەتكەرلەر سانىن وڭتايلاندىرۋ قۇرالى ەمەس, تۇرعىن ٷي بٶلۋ تەتٸگٸن جەدەلدەتۋدٸڭ نەگٸزگٸ فاكتورلارىنىڭ بٸرٸنە اينالىپ وتىر.
تۇرعىن ٷيگە مۇقتاج ازاماتتاردى باسپانامەن قامتاماسىز ەتۋ جۇمىسى الداعى جىلدارى دا جالعاسادى. 2021 جىلدان بەرٸ تۇرعىن ٷي كەزەگٸندە تۇرعان 143400 قازاقستاندىق ٶز باسپاناسىنا قول جەتكٸزدٸ.
ەندٸگٸ مەجە بۇدان دا اۋقىمدى. 2033 جىلعا دەيٸن وتباسى بانك باعدارلامالارى ارقىلى تاعى 292 مىڭ ادامدى تۇرعىن ٷيمەن قامتاماسىز ەتۋ جوسپارلانىپ وتىر.
تۇرعىن ٷي بٶلۋ جٷيەسٸن تسيفرلاندىرۋ وسى مٸندەتتٸ جٷزەگە اسىرۋدىڭ نەگٸزگٸ تەتٸكتەرٸنٸڭ بٸرٸنە اينالماق. اۆتوماتتاندىرۋ, مەملەكەتتٸك بازالارمەن ينتەگراتسييا جەنە موبيلدٸ سەرۆيستەردٸ دامىتۋ تۇرعىن ٷيگە مۇقتاج ازاماتتار ٷشٸن قىزمەتتٸ قولجەتٸمدٸ ەتٸپ قانا قويماي, باسپانا بٶلۋدٸڭ اشىقتىعى مەن جىلدامدىعىن ارتتىرۋعا باعىتتالعان.
