قازاقستاندىق عالىمدار العاش رەت ٶزٸمٸزدٸڭ وتاندىق ميكروچيپتٸ جاساپ شىعاردى, دەپ حابارلايدى Dalanews.kz.
بۇل – ەلٸمٸز ٷشٸن عىلىم مەن تەحنولوگيياداعى جاڭا دەۋٸرگە جاسالعان ناقتى قادام. نازارباەۆ ۋنيۆەرسيتەتٸنٸڭ زەرتتەۋشٸلەرٸ ەلٸمٸزدەگٸ العاشقى ميكروپروتسەسسوردى قۇراستىرىپ, جارتىلاي ٶتكٸزگٸشتەر يندۋستريياسىنا جول اشتى.
بۇل ميكروچيپتٸڭ جاسالۋىنا نازارباەۆ ۋنيۆەرسيتەتٸمەن بٸرگە قىتاي عىلىم اكادەميياسىنىڭ ۋنيۆەرسيتەتٸ, بەيجٸڭ اشىق باستاپقى كودتار ينستيتۋتى جەنە TEXER.AI ستارتاپى قولداۋ بٸلدٸرگەن.
جاڭا چيپ جوعارى ٶنٸمدٸلٸكتٸ ەمەس, تۇراقتى ەرٸ سەنٸمدٸ جۇمىستى تالاپ ەتەتٸن اۆتوماتتاندىرىلعان قۇرىلعىلاردا, مىسالى, لوگيكالىق باسقارۋ كونتروللەرلەرٸندە قولدانۋعا ارنالعان.
“دايىن پروتسەسسوردى ەزٸرلەپ, سىناقتان ٶتكٸزۋ ٷشٸن بٸزگە ٷش اي ۋاقىت قاجەت بولدى. بۇعان دەيٸن دە قاراپايىم پروتوتيپتەرٸمٸز بار ەدٸ, سوندىقتان وعان تەز بەيٸمدەلدٸك. ال ەڭ كٶپ ۋاقىتتى العان پروتسەسس – ميكروچيپتٸ ناقتى ٶندٸرۋ (فابريكاتسييا) كەزەڭٸ بولدى”, – دەيدٸ نازارباەۆ ۋنيۆەرسيتەتٸنٸڭ ينجەنەرييا جەنە تسيفرلىق عىلىمدار مەكتەبٸنٸڭ اسسيستەنت-پروفەسسورى نۇرسۇلتان قابىلقاس.
زەرتتەۋ جٷرگٸزۋگە ۋنيۆەرسيتەتتٸڭ ەنداۋمەنت-قورى مەن نازارباەۆ زيياتكەرلٸك مەكتەپتەرٸ قولايلى جاعداي جاساپ, قولداۋ كٶرسەتكەن.
“بٸزدٸڭ كوماندامىز – ٶتە تالانتتى, ەڭبەكقور ەرٸ جاڭالىققا جانى قۇمار جاستار. ولار نەگٸزٸنەن نازارباەۆ ۋنيۆەرسيتەتٸنٸڭ ستۋدەنتتەرٸ مەن تٷلەكتەرٸ, ۋنيۆەرسيتەتتٸڭ زەرتحانالارىندا بەلسەندٸ جۇمىس ٸستەپ جٷرگەن ماماندار”, – دەپ اتاپ ٶتتٸ ينجەنەر.
وسىلايشا, قازاقستان ٶزٸنٸڭ جوعارى تەحنولوگييالار سالاسىنداعى العاشقى ميكروچيپٸن جاساۋ ارقىلى تسيفرلىق دامۋدا ماڭىزدى مەجەنٸ باعىندىرىپ وتىر. بۇل جەتٸستٸك ەلدٸڭ عىلىمي-تەحنيكالىق ەلەۋەتٸن ارتتىرىپ, بولاشاقتا وتاندىق ٶندٸرٸستٸ دامىتۋعا سەرپٸن بەرەرٸ سٶزسٸز.
