قازاقستاندا بانكتەر, ميكروقارجى جەنە ساقتاندىرۋ ۇيىمدارى ۇسىناتىن قارجى ٶنٸمدەرٸنە قاتىستى تۇتىنۋشىلاردىڭ قۇقىعىن قورعاۋ تالاپتارى كٷشەيتٸلەدٸ. قارجى نارىعىن رەتتەۋ جەنە دامىتۋ اگەنتتٸگٸ وسى باعىتتاعى جاڭا ەرەجەلەردٸ ماقۇلدادى, دەپ حابارلايدى dalanews.kz.
جاڭا تەرتٸپكە سەيكەس, قارجى ۇيىمدارى ەربٸر ٶنٸمدٸ نارىققا شىعارماس بۇرىن ونىڭ تۇتىنۋشىعا ەسەرٸن باعالاۋعا مٸندەتتٸ. ٶنٸمدٸ پايدالانۋ بارىسىندا كليەنتتەر ٷشٸن تەۋەكەلدەر انىقتالسا, ۇيىمدار ونىڭ شارتتارىن قايتا قاراپ نەمەسە ساتىلىمىن توقتاتۋى تيٸس.
ەندٸ قارجى ۇيىمدارى كەلٸسٸمشارت جاساسار الدىندا كليەنتتٸڭ قارجىلىق جاعدايىن, كٶزدەگەن ماقساتىن جەنە ىقتيمال تەۋەكەلدەردٸ كٶتەرۋ مٷمكٸندٸگٸن ەسكەرٸپ, ۇسىنىلاتىن ٶنٸمنٸڭ وعان سەيكەس كەلەتٸنٸن انىقتايدى. سونىمەن قاتار ٶنٸمنٸڭ قۇنى, نەگٸزگٸ شارتتارى, ارتىقشىلىقتارى مەن ىقتيمال تەۋەكەلدەرٸ قاراپايىم ەرٸ تٷسٸنٸكتٸ تٸلدە تٷسٸندٸرٸلٸپ, ەشقانداي اقپارات جاسىرىلماۋى قاجەت.
اگەنتتٸك مەلٸمەتٸنشە, قۇجاتتا قارجى ٶنٸمدەرٸن جارنامالاۋ, ۇسىنۋ جەنە ولارعا قىزمەت كٶرسەتۋ كەزٸندە ساقتالۋى تيٸس بٸرىڭعاي ستاندارتتار بەلگٸلەنگەن.
"قارجى ۇيىمدارى ٶنٸمنٸڭ قۇنى, شارتتارى, ارتىقشىلىقتارى جەنە تەۋەكەلدەرٸ تۋرالى ناقتى ەرٸ تەڭگەرٸمدٸ اقپارات ۇسىنۋعا مٸندەتتٸ. سونداي-اق ادال ەمەس جارناما تەسٸلدەرٸن قولدانۋعا جول بەرٸلمەيدٸ. بۇل تالاپتار ازاماتتارعا سەيكەس كەلمەيتٸن قارجى ٶنٸمدەرٸنٸڭ ۇسىنىلۋىن ازايتىپ, ولاردىڭ سانالى قارجىلىق شەشٸم قابىلداۋىنا مٷمكٸندٸك بەرەدٸ", - دەپ حابارلادى اگەنتتٸك.
سونىمەن قاتار رەتتەۋشٸ الداعى ۋاقىتتا قارجى ۇيىمدارىنىڭ زاڭ تالاپتارىن ورىنداۋىن عانا ەمەس, ولاردىڭ ٶنٸمدەرٸ تۇتىنۋشىلاردىڭ مٷددەسٸنە زييان كەلتٸرمەيتٸنٸن دە باقىلاۋعا الادى.
