2026 جىلدىڭ 1 قاڭتارىنان باستاپ ەلەكتروموبيلدەر قىمباتتايدى. ويتكەنى وعان قاتىستى وسىعان دەيىن قولدانىستا بولعان تاريفتىك جەڭىلدىكتەر ءوز كۇشىن جويادى، دەپ حابارلايدى Dalanews.kz.
بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى ەسكەرتەدى.
ق ر قارجى مينيسترلىگىنىڭ مەملەكەتتىك كىرىستەر كوميتەتى ەلىمىزگە اكەلىنەتىن ەلەكتروموبيل كولەمىنە قاتىستى تاريفتىك جەڭىلدىكتەردى بەلگىلەۋدە بەلگىلى ءبىر كۆوتانى بەلگىلەگەن. ءقازىر ءبىز سول مەجەنى يگەرۋ الۋدىندامىز.
- كەدەن وداعى كوميسسياسىنىڭ 2009 جىلعى 27 قاراشاداعى №130 شەشىمىنە سايكەس، ەلەكتروموبيلدەرگە (تن ۆەد كودى 8703 80 000 2) اكەلۋ كەزىندە تاريفتىك جەڭىلدىك قاراستىرىلعان. سونىمەن قاتار، وسى شەشىممەن قازاقستان رەسپۋبليكاسىنا اكەلۋگە ارنالعان كۆوتا بەلگىلەنگەن – 15 000 بىرلىك.
- 2025 جىلعى 25 قىركۇيەكتەگى جاعداي بويىنشا، ەلىمىزگە 13 000-نان استام ەلەكتروموبيل اكەلىندى، بۇل بەلگىلەنگەن ءليميتتىڭ 87،2%-ىن قۇرايدى.
- وسىلايشا، تاريفتىك جەڭىلدىكتى قولدانۋ ارقىلى اكەلۋگە 1 900-دان از ەلەكتروموبيل مۇمكىندىگى قالدى.
ونىڭ ۇستىنە جاڭا سالىق كودەكسىنىڭ قولدانىس مەرزىمى تاياپ قالدى. وسى جاعىنان العاندا، 2026 جىلى 1 قاڭتاردان باستاپ ەلىمىزگە اكەلىنەتىن ەلەكتروموبيلدەرگە قاتىستى جەڭىلدىك ءوز كۇشىن جويادى.
قازاقستاندا قانشا ەلەكتروكار جۇيتكىپ ءجۇر؟
جالپى، ستاتيستيكاعا سۇيەنسەك، Energyprom پورتالىنىڭ مالىمەتى بويىنشا، 2025 جىلدىڭ تامىز ايىنىڭ باسىندا ەلىمىزدە 19،1 مىڭ ەلەكتروكار تىركەلگەن،بۇل - وتكەن جىلمەن سالىستىرعاندا 79%-عا ارتىق كورسەتكىش. 2025 جىلدىڭ العاشقى جەتى ايىنىڭ وزىندە ەل ازاماتتارى 6،9 مىڭ "باتارەيامەن جۇمىس ىستەيتىن" كولىكتى ەسەپكە قويدى، دەگەنمەن بۇل ەلىمىزدە تىركەلگەن بارلىق اۆتوكولىكتەردىڭ 0،7%-ىن عانا قۇرايدى.
ەلەكتروموبيلدەر كوپ جۇيتكىپ جۇرگەن ءوڭىردىڭ بىرەگەيى — الماتى. مۇندا 11،3 مىڭ وسىنداي كولىك ءتۇرى نەمەسە قازاقستاندىق ەلەكتروكار پاركىنىڭ 60%-ى شوعىرلانعان. وڭتۇستىك استانادا ولاردىڭ ۇلەسى بارلىق تىركەلگەن كولىكتەردىڭ 1،6%-نا جەتەدى. استانادا 2،2 مىڭ (قالالىق اۆتوپاركتىڭ 0،5%)، الماتى وبلىسىندا 1،2 مىڭ (0،2%) ەلەكتروكار بار.
2026 جىلى باعا قانشاعا قىمباتتايدى؟
بۇل رەتتە،inbusiness پورتالىنىڭ ەسەپتەۋىنشە، كەدەندىك قۇنىنا قاراي ەكولوگيالىق تازا كولىك 16%–دان 31%-عا دەيىن قىمباتتاۋى مۇمكىن:
- ەاەو-نىڭ ءبىرىڭعاي كەدەندىك ءتاريفى بويىنشا باج - 15%، ەندى وعان 16% ءققس-تى قوسىڭىز. سوندا قىمباتتاۋ پايىزدىق مولشەرلەمەدە 31%-دى قۇرايدى.
- دسۇ مولشەرلەمەلەرى بويىنشا باج - 0%، ءبىراق 16%-دىق ققس مىندەتتى بولىپ سانالادى.
