قازاقستان حالىق كەڭەسٸنٸڭ مٷشەلەرٸ ٶز قىزمەتٸن قوعامدىق نەگٸزدە اتقارىپ, مەملەكەتتٸك بيۋدجەتتەن جالاقى المايدى, دەپ حابارلايدى dalanews.kz.
«قازاقستان حالىق كەڭەسٸ تۋرالى» كونستيتۋتسييالىق زاڭنىڭ 14-بابىنىڭ 1-تارماعىنا سەيكەس, كەڭەس مٷشەلەرٸنٸڭ قىزمەتٸ تەك قوعامدىق نەگٸزدە جٷزەگە اسىرىلادى. ولار دەپۋتاتتار نەمەسە مەملەكەتتٸك قىزمەتشٸلەر بولىپ سانالمايدى جەنە ٶز مٸندەتتەرٸن ٶتەۋسٸز اتقارادى.
قازاقستان حالىق كەڭەسٸنٸڭ مٷشەلەرٸ مەسليحاتتار مەن قوعامدىق كەڭەستەردٸڭ, قوعامدىق جەنە ەتنومەدەني بٸرلەستٸكتەردٸڭ ٶكٸلدەرٸ اراسىنان ۇسىنىلادى. ولاردىڭ نەگٸزگٸ مٸندەتٸ – كونسۋلتاتسييالار مەن ساراپتامالىق باعالاۋ ارقىلى قوعام ٷشٸن ماڭىزدى باستامالاردى ٸسكە اسىرۋعا ىقپال ەتۋ.
وسىعان بايلانىستى كەڭەستٸڭ قاتارداعى مٷشەلەرٸنە مەملەكەتتٸك بيۋدجەتتەن جالاقى تٶلەنبەيدٸ.
ال قازاقستان حالىق كەڭەسٸنٸڭ تٶراعاسى مەن ونىڭ حاتشىلىعىن باسقاراتىن بٸر ورىنباسارىنىڭ مەرتەبەسٸ بٶلەك.
كونستيتۋتسييالىق زاڭعا سەيكەس, تٶراعا كەڭەستٸڭ قىزمەتٸنە جالپى باسشىلىق جاسايدى, نورماتيۆتٸك قۇجاتتاردى بەكٸتەدٸ جەنە باسقا دا ستراتەگييالىق ٶكٸلەتتٸكتەردٸ جٷزەگە اسىرادى. وسىعان بايلانىستى تٶراعا مەن حاتشىلىق باسشىسى جاۋاپتى مەملەكەتتٸك لاۋازىمدى اتقاراتىن تۇلعالار سانالادى جەنە تۇراقتى نەگٸزدە جۇمىس ٸستەيدٸ.
ولاردىڭ قىزمەتٸ مەملەكەتتٸك بيۋدجەت ەسەبٸنەن قارجىلاندىرىلادى. سونداي-اق قازاقستان حالىق كەڭەسٸ حاتشىلىعىنىڭ مەملەكەتتٸك قىزمەتشٸلەرٸنٸڭ ەڭبەكاقىسى دا بيۋدجەت قاراجاتى ەسەبٸنەن تٶلەنەدٸ. حاتشىلىق كەڭەستٸڭ ۇيىمداستىرۋشىلىق, ساراپتامالىق-تالدامالىق جەنە اقپاراتتىق جۇمىسىن قامتاماسىز ەتەدٸ.
بۇعان دەيٸن بۇل مەسەلە بويىنشا تٷسٸنٸكسٸزدٸك تۋىنداعان ەدٸ. 15 مامىردا مەجٸلٸس دەپۋتاتى ەرلان سايىر قازاقستان حالىق كەڭەسٸنٸڭ 126 مٷشەسٸ قوعامدىق نەگٸزدە جۇمىس ٸستەيتٸنٸن جەنە ولارعا جالاقى تٶلەنبەيتٸنٸن مەلٸمدەگەن. ول كەزدە دەپۋتات كەڭەس حاتشىلىعى جەكە مەملەكەتتٸك ورگان رەتٸندە قۇرىلىپ, ونىڭ قىزمەتكەرلەرٸ بيۋدجەت ەسەبٸنەن قارجىلاندىرىلاتىنىن ايتقان.
الايدا 17 قىركٷيەكتە قازاقستان حالىق كەڭەسٸنٸڭ جۇمىسىنا 1,7 ملرد تەڭگە قاراستىرىلعانى بەلگٸلٸ بولعاننان كەيٸن مٷشەلەردٸڭ جالاقىسى تۋرالى مەسەلە قايتا كٶتەرٸلدٸ. قارجى ۆيتسە-مينيسترٸ ابزال بەيسەنبەكۇلى بۇل قاراجاتتىڭ تەك جالاقىعا ارنالماعانىن, ونىڭ قۇرامىنا ٶڭٸرلەرگە ساپارلار, حالىقپەن كەزدەسۋلەر, فورۋمدار, سەسسييالار, قوعامدىق تىڭداۋلار جەنە اقپاراتتىق جٷيەلەردٸ سٷيەمەلدەۋ شىعىندارى كٸرەتٸنٸن تٷسٸندٸردٸ.
سول كەزدە جۋرناليستەر ناقتى جالاقى مٶلشەرٸن سۇراعان. ۆيتسە-مينيستر ەڭبەكاقى بٸرىڭعاي جٷيە بويىنشا تٶلەنەتٸنٸن ايتىپ, ناقتى سومالاردى جارييالاي المايتىنىن جەتكٸزدٸ. بۇل جاۋاپ كەڭەس مٷشەلەرٸنٸڭ جالاقىسى تۋرالى قوسىمشا سۇراقتار تۋعىزدى.
وسىعان بايلانىستى قازاقستان حالىق كەڭەسٸ تاراتقان جاڭا تٷسٸندٸرمەدە قاتارداعى مٷشەلەر مەن كەڭەس باسشىلىعىنىڭ مەرتەبەسٸن اجىراتۋ قاجەت ەكەنٸ ناقتى كٶرسەتٸلدٸ: كەڭەس مٷشەلەرٸ قوعامدىق نەگٸزدە جۇمىس ٸستەيدٸ, ال تۇراقتى نەگٸزدە قىزمەت اتقاراتىن تٶراعا, حاتشىلىق باسشىسى جەنە حاتشىلىق قىزمەتكەرلەرٸنٸڭ ەڭبەگٸ بيۋدجەتتەن قارجىلاندىرىلادى.
