قازاقستان حالقى اسسامبلەياسىنىڭ مونيتورينگ توبى قارابۇلاق، مانكەنت اۋىل وكرۋگتەرىنىڭ تۇرعىندارىمەن كەزدەسۋ وتكىزدى. جيىنعا قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعى مەڭگەرۋشىسىنىڭ ورىنباسارى عالىمجان ماحان، ق ر پارلامەنتى سەناتىنىڭ دەپۋتاتى اليشەر ساتۆالدييەۆ جانە قحا رەسپۋبليكالىق ەتنومەدياسيا كەڭەسىنىڭ ءتوراعاسى شەرزات پۋلاتوۆ قاتىستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
كەزدەسۋدى اۋدان اكىمىنىڭ ورىنباسارى ماديار ءالىپوۆ جۇرگىزىپ وتىردى.
قازاقستان حالقى اسسامبلەياسىنىڭ مونيتورينگ توبىنىڭ مۇشەلەرى ەلدىڭ قاۋىپسىزدىگى مەن بەيبىتشىلىگىن ساقتاۋ ءۇشىن ىشكى تۇراقتىلىق پەن ەتنيكالىق توپتار اراسىنداعى كەلىسىمدىلىكتى ارتتىرۋ رەتىندەگى رولىنە توقتالدى. سونداي-اق ەتنوسارالىق سالاداعى مەملەكەتتىك ساياساتتىڭ نەگىزگى باسىمدىقتارى مەن جەتكەن جەتىستىكتەرىن اتاپ ءوتتى.
اشىق پىكىر الماسۋ فورماتىندا وتكەن ءماجىلىس بارىسىندا قوعام قاۋىپسىزدىگى مەن تىنىشتىعىن قامتاماسىز ەتۋدە قانداي جۇمىستاردى اتقارۋ قاجەتتىگى تۋرالى ماسەلەلەر تالقىلاندى.
جيىن سوڭىندا تۇرعىنداردىڭ تۋىنداعان سۇراقتارىنا جاۋاپ بەرىلدى. مەملەكەتتىك ورگانداردىڭ ەتنوسارالىق بايلانىستى نىعايتۋ جونىندەگى ءتيىمدى تەتىكتەرى مەن قازاقستان حالقى اسسامبلەياسى قىزمەتىنىڭ جاڭا باعىتتارى تۋرالى ۇسىنىس-پىكىرلەرىن ورتاعا سالدى.
