Qazaqstan halqy Assambleiasynyń monitoring toby Qarabulaq, Mankent aýyl okrýgteriniń turǵyndarymen kezdesý ótkizdi. Jiynǵa Qazaqstan Respýblikasy Prezidenti Ákimshiliginiń Qazaqstan halqy Assambleiasy hatshylyǵy meńgerýshisiniń orynbasary Ǵalymjan Mahan, QR Parlamenti senatynyń depýtaty Alisher Satvaldiev jáne QHA Respýblikalyq etnomediatsiia keńesiniń tóraǵasy Sherzat Pýlatov qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kezdesýdi aýdan ákiminiń orynbasary Madiiar Álipov júrgizip otyrdy.
Qazaqstan halqy Assambleiasynyń monitoring tobynyń músheleri eldiń qaýipsizdigi men beibitshiligin saqtaý úshin ishki turaqtylyq pen etnikalyq toptar arasyndaǵy kelisimdilikti arttyrý retindegi róline toqtaldy. Sondai-aq etnosaralyq saladaǵy memlekettik saiasattyń negizgi basymdyqtary men jetken jetistikterin atap ótti.
Ashyq pikir almasý formatynda ótken májilis barysynda qoǵam qaýipsizdigi men tynyshtyǵyn qamtamasyz etýde qandai jumystardy atqarý qajettigi týraly máseleler talqylandy.
Jiyn sońynda turǵyndardyń týyndaǵan suraqtaryna jaýap berildi. Memlekettik organdardyń etnosaralyq bailanysty nyǵaitý jónindegi tiimdi tetikteri men Qazaqstan halqy Assambleiasy qyzmetiniń jańa baǵyttary týraly usynys-pikirlerin ortaǵa saldy.
