Eurasian Resources Group (ERG) تاۋ-كەن حولدينگى اكسيالارىنىڭ 40%-ىنا يە قازاقستان ۇكىمەتى ءوز ۇلەسىن ساتۋدى قاراستىرىپ وتىرعان جوق، دەپ حابارلايدى Dalanews.kz.
"قازاقستان رەسپۋبليكاسى قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتى Reuters اقپاراتتىق اگەنتتىگىنىڭ دجەيمس كەمەروننىڭ Eurasian Resources Group كومپانياسىنىڭ 100%-عا دەيىنگى اكسياسىن ساتىپ الۋ تۋرالى ۇسىنىسىنا قاتىستى تاراتقان اقپارات بويىنشا مىنانى ايتامىز: كومپانيانىڭ 40% اكسياسىنىڭ مەنشىك يەسى بولىپ تابىلاتىن قازاقستان رەسپۋبليكاسىنىڭ ۇكىمەتى ERG-دەگى مەملەكەتكە تيەسىلى اكسيالارىن ساتۋدى قاراستىرمايدى"، - دەپ جاۋاپ بەرگەن قارجى مينيسترلىگى ينتەرفاكس اگەنتتىگىنىڭ ساۋالىنا بەرگەن جاۋابىندا
بۇعان دەيىن Reuters اگەنتتىگى ءوز قولدارىنا تۇسكەن قۇجاتتارعا سىلتەمە جاساي وتىرىپ، Petropavlovsk Plc ديرەكتورلار كەڭەسىنىڭ بۇرىنعى باسشىسى، امەريكالىق كاسىپكەر دجەيمس كەمەرون ERG اكسيالارىنىڭ 100-ىن 5 ملرد دوللارعا ساتىپ الۋعا نيەتتى ەكەنىن حابارلاعان.
اگەنتتىكتىڭ حابارلاۋىنشا، ونىڭ ERG ديرەكتورلار كەڭەسىنە جازعان حاتىندا امەريكالىق Goldman Sachs بانكى مامىلە بويىنشا الدىن الا كەڭەسۋ ءۇشىن كەلىسسوزدەر جۇرگىزىپ جاتقانى كورسەتىلگەن.
كەيىن، 21 ساۋىردە كومپانياداعىلار Petropavlovsk ديرەكتورلار كەڭەسىنىڭ بۇرىنعى باسشىسى دجەيمس كەمەرونمەن كەلىسسوزدەر جۇرگىزىلىپ جاتقانى تۋرالى اقپاراتتى جوققا شىعاردى. ERG مالىمەتتەرى بويىنشا، بيزنەستى جۇرگىزۋدە قانداي دا ءبىر وزگەرىستەر جوق.
ERG Eurasian National Resources Corporation (ENRC) اكتيۆتەرى نەگىزىندە 2014 جىلى قۇرىلعان. كورپوراسيا (ENRC) ليۋكسەمبۋرگتە تىركەلگەن. كومپانيا قازاقستانداعى فەرروقورىتپا، تەمىر، اليۋمينيي، كومىر كەندەرىن ءوندىرۋشى كاسىپورىنداردىڭ باسىن قۇراپ، سونداي-اق افريكاداعى مىس جانە كوبالت اكتيۆتەرىنە يە جانە برازيليادا تەمىر كەنىن ءوندىرۋ جوباسىن جۇزەگە اسىرادى.
قازاقستان تەرريتورياسىندا ERG-دىڭ وندىرىستىك اكتيۆتەرىنە "قازحروم تۇك"، "اليۋمينيي قازاقستان" سسكوب، قازاقستان ەلەكتروليز زاۋىتى، " ەۋروازيالىق ەنەرگەتيكالىق كورپوراسياسى، "شۇباركول كومىر"، "ترانسكوم" ترانسپورتتىق توبى ەنەدى.
ERG اكسيونەرلەرى - قازاقستاننىڭ قارجى مينيسترلىگى (40%)، مارقۇم الەكساندر ماشكيەۆيچ جانە يبراگيموۆتار وتباسى (ءارقايسىسى 20،7%-دان ۇلەسكە يە)، پاتوح شودييەۆ (18،6%). ازىرگە، 2025 جىلى ناۋرىزدا الەكساندر ماشكيەۆيچ قايتىس بولعاننان كەيىن اكسيونەرلەردىڭ قۇرىلىمى قالاي وزگەرگەنى بەلگىسىز.
