قازاقستان 2025 جەنە 2026 جىلدارى ٶز مٸندەتتەمەلەرٸن ورىندايدى. بۇل تۋرالى قر ەنەرگەتيكا مينيسترلٸگٸنٸڭ باسپاسٶز قىزمەتٸ وپەك+ وتىرىسىنان كەيٸن مەلٸمدەدٸ, دەپ جازادى Dalanews.kz.
"قازاقستان وپەك+ بٸرلەسكەن مينيسترلٸك مونيتورينگ كوميتەتٸنٸڭ كەشەگٸ 58-شٸ وتىرىسى اياسىندا وپەك+ كەلٸسٸمٸنە ادالدىعىن راستايدى. قازاقستان 2025 جەنە 2026 جىلدارى ٶز مٸندەتتەمەلەرٸن ورىنداۋ جەنە 2024 جىلعا ارتىق ٶندٸرٸستٸ ٶتەۋ ٷشٸن قاجەتتٸ شارالاردى قابىلدايدى", دەپ مەلٸمدەدٸ مينيسترلٸكتەن.
تەڭٸز كەن ورنىن كەڭەيتۋ جٶنٸندەگٸ جوبانىڭ ٸسكە قوسىلۋىنا بايلانىستى بيىل ٶندٸرٸستٸڭ ۇلعايۋىنا قاراماستان, قازاقستان وپەك+ كەلٸسٸمٸ شەڭبەرٸندە مٸندەتتەمەلەردٸ ساقتاۋدىڭ ماڭىزدىلىعىن راستايدى جەنە حالىقارالىق قۇقىق شەڭبەرٸندە ەرٸپتەستەرمەن كەلٸسسٶزدەر جٷرگٸزەتٸنٸ دە ناقتىلانادى.
ەستەرٸڭٸزگە سالا كەتسەك, بۇعان دەيٸن قازاقستاننىڭ مۇناي ٶندٸرٸسٸنٸڭ شەكتٸ كٶلەمٸنە قاتىستى بۇزۋشىلىقتاردى ٶتەۋ بويىنشا جاڭا كەستە ۇسىناتىنى حابارلانعان بولاتىن. وپەك + بٸرلەسكەن مينيسترلٸك مونيتورينگ كوميتەتٸ وتىرىسىندا ٶندٸرٸستٸ قوسىمشا قىسقارتۋدى قوسا العاندا, قر كەلٸسٸمدەرٸنە بەيٸلدٸلٸكتٸ جاقسارتۋدى قۇپتادى (ەلدەر 8-شٸ قاتىسۋشى ەلدەرمەن بٸرگە كۆوتالارعا قوسىمشا قىسقارتۋلارعا قاتىسادى). وپەك + اليانسىنىڭ كوميتەتٸ دە قازٸرگٸ مۇناي ساياساتىن ٶزگەرتپەۋگە شەشٸم قابىلدادى.
وپەك+ بٸرلەسكەن مينيسترلٸك مونيتورينگ كوميتەتٸ دٷيسەنبٸدەگٸ وتىرىسىندا قازاقستان مەن يراكتىڭ كەلٸسٸمدەرگە بەيٸلدٸگٸن, ونىڭ ٸشٸندە ٶندٸرٸس كٶلەمٸن قوسىمشا قىسقارتۋلار بويىنشا ٶز مٸندەتتەمەلەرٸن ورىنداۋدى جاقسارتقانىن قۇپتادى. سونىمەن قاتار, وپەك + ەلدەرٸنٸڭ مينيسترلەرٸ كەڭەس بارىسىندا اليانستىڭ "ەرٸكتٸلەرٸنٸڭ" ەرٸكتٸ تٷردە قىسقارتۋ جوسپارىن تٷزەتۋٸ (ٶندٸرٸستٸ بٸرتٸندەپ ۇلعايتۋ, 1 سەۋٸرگە اۋىستىرۋ) ەلەمدٸك مۇناي نارىعىنىڭ تۇراقتىلىعىن قامتاماسىز ەتەتٸنٸن اتاپ ٶتتٸ. Bloomberg اگەنتتٸگٸ رەسەي فەدەراتسيياسىنىڭ ۆيتسە-پرەمەرٸ الەكساندر نوۆاك وتىرىستا وپەك+ قازٸرگٸ ساياساتتى ۇستانۋى كەرەك دەپ مەلٸمدەگەنٸن حابارلادى. تاراپتار مونيتورينگ كوميتەتٸنٸڭ وتىرىسى بارىسىندا 2026 جىلدىڭ سوڭىنا دەيٸن ەرەكەت ەتەتٸن مەمٸلە اياسىندا ٶز مٸندەتتەمەلەرٸن ارى قاراي ۇستاناتىنىن تاعى دا راستادى. اليانستىڭ كەلەسٸ وتىرىسى 5 سەۋٸردە ٶتەدٸ.
بۇل ارادا مىنانداي ەكٸ ٷلكەن مەسەلەگە توقتالا كەتەلٸك. بٸرٸنشٸدەن, وپەك+ ٶز كەلٸسٸمٸ شەڭبەرٸندە اليانسقا مٷشە ەلدەردەن مۇنايدى شەكتەپ ٶندٸرۋدٸ تالاپ ەتٸپ كەلەدٸ. وسىلايشا ولار مۇنايدىڭ جوعارى باعاسىن قامتاماسىز ەتۋگە تىرىسادى. سوعان سەيكەس, ارنايى كەستە دە جارييالانعان. قازاقستان بۇل كەستەنٸ اراكٸدٸك بۇزىپ وتىرادى, بٸراق الداعى ٶندٸرٸستٸ قىسقارتۋ ارقىلى ونىڭ ورنىن تولتىرۋمەن كەلەدٸ. الايدا بيىل جىل باسىندا تەڭٸزدەگٸ جاڭا جوبانىڭ ٸسكە قوسىلۋى, مۇناي ٶندٸرٸسٸنٸڭ كٶلەمٸن ارتتىرۋ بويىنشا جوسپارىن جارييالاعاندا كەيبٸر ساراپشىلار قازاقستان وپەك-تەن شىعىپ تىنۋى مٷمكٸن دەگەن ەدٸ. بٸراق, ٶزدەرٸڭٸز كٶرٸپ وتىرعانداي, بۇل ولاي بولمادى. ەندەشە قازاقستان ەلٸ دە مۇنايدى شەكتەپ ٶندٸرۋگە مەجبٷر بولماق. بيۋدجەت تاپشىلىعىنا ۇرىنىپ وتىرعان قازاقستان ٷشٸن بۇل جاقسى جاعداي ەمەس. بٷيتە بەرسە, بيزنەسكە سالىناتىن قوسىمشا قۇن سالىعى, اقىرى جىل سوڭىنا دەيٸن ٶسٸپ تىنۋى دا عاجاپ ەمەس...
ەكٸنشٸدەن, اقش پرەزيدەنتٸ دونالد ترامپ اراب ەلدەرٸنەن مۇناي ٶندٸرٸسٸن ۇلعايتۋدى تالاپ ەتۋ ارقىلى ەلەمدٸك باعانى "قۇلاتۋدى" كٶزدەۋدە. الايدا, وسى جينالىستان بەلگٸلٸ بولعانداي, وپەك+ قازٸرگٸ مۇناي ساياساتىن ٶزگەرتپەۋ تۋرالى شەشٸم قابىلدادى. دەمەك, ترامپتىڭ ٶتٸنٸشٸ بۇل ارادا ەسكەرٸلمەدٸ دەسە دە بولادى. مۇنىڭ ارتى جاقسى بولماسى انىق. بۇل ٶز الدىنا Dalanews.kz تالقىلار بٶلەك تاقىرىپ...
