قازاقستاندا جىل قورىتىندىسى بويىنشا جٷك ۆاگوندارى ٶندٸرٸسٸن تٶرت ەسەگە – 2 مىڭ بٸرلٸككە دەيٸن, جولاۋشىلار ۆاگوندارىن 122 بٸرلٸككە دەيٸن, لوكوموتيۆتەردٸ 130 بٸرلٸككە دەيٸن ارتتىرۋدى قامتاماسىز ەتۋ مٸندەتٸ تۇر. بۇل تۋرالى بٷگٸن ٷكٸمەت وتىرىسىندا ٶنەركەسٸپ جەنە قۇرىلىس مينيسترٸ قانات شارلاپاەۆ مەلٸمدەدٸ, دەپ حابارلايدى Dalanews.kz.
مينيستردٸڭ ايتۋىنشا, تەمٸرجول ماشينالارىن جاساۋ دامۋدىڭ ٷلكەن ەلەۋەتٸن بٸلدٸرەدٸ. قازٸرگٸ ۋاقىتتا جىلجىمالى قۇرامنىڭ جالپى پاركٸ شامامەن 139 مىڭ بٸرلٸككە جەتەدٸ. ورتاشا توزۋ دەڭگەيٸ 55% قۇرايدى. وسىعان بايلانىستى جاڭا جوبالاردى ٸسكە قوسۋ جۇمىستارى جٷرگٸزٸلۋدە.
"مەسەلەن, بيىل "تەكسولترانس" كومپانيياسى قۋاتى جىلىنا 6 مىڭ بٸرلٸك جٷك ۆاگوندارى مەن تسيستەرنالار ٶندٸرۋ بويىنشا جوبانى ٸسكە اسىرۋدى باستادى. 2025 جىلى قۋاتى جىلىنا 100 بٸرلٸك بولاتىن "شتادلەر قازاقستان" زاۋىتىندا جولاۋشىلار ۆاگوندارىنىڭ ٶندٸرٸسٸ ٸسكە قوسىلادى", - دەيدٸ قانات شارلاپاەۆ.
سونداي-اق "سەمەي ماشينا جاساۋ زاۋىتى" جىلىنا 600 بٸرلٸك جارتىلاي ۆاگون ٶندٸرٸسٸن ۇيىمداستىرۋ بويىنشا جۇمىس جٷرگٸزۋدە. "Railcast Systems" بانداج كەشەنٸن قۇرۋ بويىنشا جوبا ٸسكە اسىرىلۋدا, ٸسكە قوسۋ مەرزٸمٸ - 2025-2026 جىلدار.
"2024 جىلدىڭ سوڭىندا قوستاناي وبلىسىندا سەرٸپپەلەر شىعاراتىن زاۋىت ٸسكە قوسىلادى دەپ جوسپارلانۋدا. 2025 جىلى "شىعىسماشزاۋىت" تسەحتى جاڭعىرتۋدى اياقتاۋدى جوسپارلاپ وتىر, بۇل ورتا جەنە ٸرٸ ۆاگون قۇيۋدى يمپورتتى الماستىرۋدى قامتاماسىز ەتەدٸ", - دەيدٸ مينيستر.
Wabtec جەنە Alstom كومپانييالارىنىڭ تەحنولوگييالارى بويىنشا لوكوموتيۆتەر, سونداي-اق جٷك جەنە جولاۋشىلار ۆاگوندارىنىڭ ٶندٸرٸسٸ جولعا قويىلعان.
بۇعان دەيٸن مينيستر بيىل قازاقستاندا 82 مىڭنان اسا جەڭٸل كٶلٸك قۇراستىرىلىپ شىعارىلعانىن ايتقان ەدٸ.
