Qazaqstanda jyl qorytyndysy boiynsha júk vagondary óndirisin tórt esege – 2 myń birlikke deiin, jolaýshylar vagondaryn 122 birlikke deiin, lokomotivterdi 130 birlikke deiin arttyrýdy qamtamasyz etý mindeti tur. Bul týraly búgin Úkimet otyrysynda Ónerkásip jáne qurylys ministri Qanat Sharlapaev málimdedi, dep habarlaidy Dalanews.kz.
Ministrdiń aitýynsha, temirjol mashinalaryn jasaý damýdyń úlken áleýetin bildiredi. Qazirgi ýaqytta jyljymaly quramnyń jalpy parki shamamen 139 myń birlikke jetedi. Ortasha tozý deńgeii 55% quraidy. Osyǵan bailanysty jańa jobalardy iske qosý jumystary júrgizilýde.
"Máselen, biyl "TeksolTrans" kompaniiasy qýaty jylyna 6 myń birlik júk vagondary men tsisternalar óndirý boiynsha jobany iske asyrýdy bastady. 2025 jyly qýaty jylyna 100 birlik bolatyn "Shtadler Qazaqstan" zaýytynda jolaýshylar vagondarynyń óndirisi iske qosylady", - deidi Qanat Sharlapaev.
Sondai-aq "Semei mashina jasaý zaýyty" jylyna 600 birlik jartylai vagon óndirisin uiymdastyrý boiynsha jumys júrgizýde. "Railcast Systems" bandaj keshenin qurý boiynsha joba iske asyrylýda, iske qosý merzimi - 2025-2026 jyldar.
"2024 jyldyń sońynda Qostanai oblysynda serippeler shyǵaratyn zaýyt iske qosylady dep josparlanýda. 2025 jyly "Shyǵysmashzaýyt" tsehty jańǵyrtýdy aiaqtaýdy josparlap otyr, bul orta jáne iri vagon quiýdy importty almastyrýdy qamtamasyz etedi", - deidi ministr.
Wabtec jáne Alstom kompaniialarynyń tehnologiialary boiynsha lokomotivter, sondai-aq júk jáne jolaýshylar vagondarynyń óndirisi jolǵa qoiylǵan.
Buǵan deiin ministr biyl Qazaqstanda 82 myńnan asa jeńil kólik qurastyrylyp shyǵarylǵanyn aitqan edi.
