ٷكٸمەت باسشىسى ولجاس بەكتەنوۆتىڭ شانحايعا ساپارى اياسىندا قر اۋىل شارۋاشىلىعى مينيسترلٸگٸ مەن قحر باس كەدەن باسقارماسى اراسىندا قازاقستاننان قحر-عا ەكسپورتتالاتىن ٸرٸ قارا مالدىڭ تەرٸسٸنە ينسپەكتسييالىق, كارانتيندٸك جەنە ۆەتەرينارييالىق-سانيتارييالىق تالاپتار تۋرالى حاتتاماعا قول قويىلدى, دەپ حابارلايدى Dalanews.kz.
بۇل حاتتاماعا قول جەتكٸزۋ ٷشٸن قوس تاراپ, ەسٸرەسە قازاقستان ٷش جىل تەر تٶكككەن.
"بۇل ۇدايى جٷرگٸزٸلگەن ەكٸجاقتى كەلٸسسٶزدەردٸڭ نەتيجەسٸ, ەلدەر اراسىنداعى ەكونوميكالىق بايلانىستاردى نىعايتۋداعى ماڭىزدى قادام بولدى", - دەيدٸ اۋىلشارۋاشىلىعى مينيسترلٸگٸ.
قۇجات ەلدٸڭ ەكسپورتتىق ەلەۋەتٸن, وتاندىق ٶنٸمنٸڭ حالىقارالىق نارىقتاعى بەسەكەگە قابٸلەتتٸلٸگٸن ارتتىرۋعا ىقپال ەتەتٸن بولادى.
"ٸرٸ قارا تەرٸسٸ قىتايعا ەكسپورتى وسىنداي كەلٸسٸمدەرمەن رەتتەلەتٸن اۋىل شارۋاشىلىعى ٶنٸمدەرٸنٸڭ 11-شٸ تٷرٸنە اينالادى. بۇعان دەيٸن مۇزداتىلعان سيىر ەتٸ, قوي ەتٸ, شوشقا ەتٸ, بال, بالىق, سٷت ٶنٸمدەرٸ, جٷن شيكٸزاتى, اسىل تۇقىمدى جەنە سويىلاتىن جىلقىلار, سونداي-اق سويىلعان ٸرٸ قارا مالدى ەكسپورتتاۋعا حاتتامالارعا قول قويىلعان بولاتىن. جالپى, قر اشم وتاندىق اگروبيزنەس ٷشٸن ەكسپورتتىق مٷمكٸندٸكتەردٸ كەڭەيتۋ بويىنشا بەلسەندٸ جۇمىس جٷرگٸزۋدە. بۇل رەتتە قازاقستاندىق ٶنٸمگە جوعارى سۇرانىس بايقالاتىن قىتاي نارىعىنا ەرەكشە نازار اۋدارىلادى", دەلٸنگەن 2024 جىلى 4 قاراشاداعى قر اشم حابارلاماسىندا.
2024 جىلدىڭ شٸلدە ايىندا سويۋعا تٸرٸ ٸرٸ قارا مالدى ەكسپورتتاۋعا قاتىستى وسىنداي حاتتاماعا قول قويىلدى.
قۇس شارۋاشىلىعى ٶنٸمدەرٸنٸڭ, قوسالقى ٶنٸمدەردٸڭ, قۇرعاق بيە سٷتٸنٸڭ جەنە باسقا دا تاۋارلاردىڭ ەكسپورتىن كەڭەيتۋ جوسپارلانۋدا.
ايتا كەتسەك, اتا كەسٸبٸ مال شارۋاشىلىعى بولىپ تابىلاتىن قازاقتار بٷگٸندەرٸ تەرٸ مەن جٷندٸ كەدەگە جاراتا الماي, قوقىسقا لاقتىرىپ, تٸپتٸ توننالاپ ٶرتەۋگە مەجبٷر. سەبەبٸ شالعاي ايماقتار تٷگٸلٸ رەسپبۋليكالىق دەڭگەيدە تەرٸ ٶڭدەيتٸن ٸرٸ بٸر دە بٸر كەسٸپورىن جوق. ال اتالعان شيكٸزاتتى ٶتكٸزەتٸن نارىقتار - رەسەي مەن قىتاي سوڭعى جىلدارى تەرٸ قابىلداۋدى دوعارعان.
