Úkimet basshysy Oljas Bektenovtyń Shanhaiǵa sapary aiasynda QR Aýyl sharýashylyǵy ministrligi men QHR Bas keden basqarmasy arasynda Qazaqstannan QHR-ǵa eksporttalatyn iri qara maldyń terisine inspektsiialyq, karantindik jáne veterinariialyq-sanitariialyq talaptar týraly hattamaǵa qol qoiyldy, dep habarlaidy Dalanews.kz.
Bul hattamaǵa qol jetkizý úshin qos tarap, ásirese Qazaqstan úsh jyl ter tókkken.
"Bul udaiy júrgizilgen ekijaqty kelissózderdiń nátijesi, elder arasyndaǵy ekonomikalyq bailanystardy nyǵaitýdaǵy mańyzdy qadam boldy", - deidi Aýylsharýashylyǵy ministrligi.
Qujat eldiń eksporttyq áleýetin, otandyq ónimniń halyqaralyq naryqtaǵy básekege qabilettiligin arttyrýǵa yqpal etetin bolady.
"Iri qara terisi Qytaiǵa eksporty osyndai kelisimdermen retteletin aýyl sharýashylyǵy ónimderiniń 11-shi túrine ainalady. Buǵan deiin muzdatylǵan siyr eti, qoi eti, shoshqa eti, bal, balyq, sút ónimderi, jún shikizaty, asyl tuqymdy jáne soiylatyn jylqylar, sondai-aq soiylǵan iri qara maldy eksporttaýǵa hattamalarǵa qol qoiylǵan bolatyn. Jalpy, QR AShM otandyq agrobiznes úshin eksporttyq múmkindikterdi keńeitý boiynsha belsendi jumys júrgizýde. Bul rette qazaqstandyq ónimge joǵary suranys baiqalatyn Qytai naryǵyna erekshe nazar aýdarylady", delingen 2024 jyly 4 qarashadaǵy QR AShM habarlamasynda.
2024 jyldyń shilde aiynda soiýǵa tiri iri qara maldy eksporttaýǵa qatysty osyndai hattamaǵa qol qoiyldy.
Qus sharýashylyǵy ónimderiniń, qosalqy ónimderdiń, qurǵaq bie sútiniń jáne basqa da taýarlardyń eksportyn keńeitý josparlanýda.
Aita ketsek, ata kásibi mal sharýashylyǵy bolyp tabylatyn qazaqtar búginderi teri men júndi kádege jarata almai, qoqysqa laqtyryp, tipti tonnalap órteýge májbúr. Sebebi shalǵai aimaqtar túgili respbýlikalyq deńgeide teri óńdeitin iri bir de bir kásiporyn joq. Al atalǵan shikizatty ótkizetin naryqtar - Resei men Qytai sońǵy jyldary teri qabyldaýdy doǵarǵan.
