Qazaqstanda halyqtyń naqty jalaqysy tómendep ketti, dep habarlaidy dalanews.kz.
Ulttyq statistika biýrosynyń málimetinshe, 2026 jyldyń I toqsanynda qazaqstandyqtardyń naqty jalaqysy 2025 jyldyń osy kezeńimen salystyrǵanda 2,3%-ǵa azaiǵan.
Sonymen qatar eldegi ortasha ailyq ataýly jalaqy 461 486 teńgeni quraǵan. Bul byltyrǵy sáikes kezeńmen salystyrǵanda 9,1%-ǵa joǵary. Alaida infliatsiiany eseptegendegi naqty ósim 97,7% bolyp, halyqtyń satyp alý qabileti tómendegenin kórsetip otyr.
Al medianalyq jalaqy, iaǵni jalaqy qatarynyń ortasyndaǵy kórsetkish 331 527 teńge bolǵan.
Statistikaǵa sáikes, jalaqynyń eń joǵary ósimi aýyl, orman jáne balyq sharýashylyǵy salasynda tirkelgen – 20,3%. Sondai-aq qarjy jáne saqtandyrý salasynda jalaqy 18,1%-ǵa, sý jetkizý, káriz júiesi men qaldyqtardy óńdeý salasynda 16,5%-ǵa ósken.
Elektr energiiasy, gaz, bý jáne aýa baptaý júielerimen qamtamasyz etý salasynda jalaqy 14,7%-ǵa, kólik jáne qoimalaý salasynda 12,9%-ǵa, al ónerkásipte 11,6%-ǵa artqan.
Densaýlyq saqtaý jáne áleýmettik qyzmet kórsetý salasynda ortasha jalaqy 7%-ǵa, bilim berý salasynda 4,2%-ǵa óskeni aityldy.
Óńirler arasynda eń joǵary ósim Abai oblysynda baiqalǵan – 14,2%. Odan keiin Pavlodar oblysy – 12,4%, Jetisý oblysy – 12,2%, Almaty oblysy – 10,9% jáne Almaty qalasy – 10,7%.
