قازاقستاندا حالىقتىڭ ناقتى جالاقىسى تٶمەندەپ كەتتٸ, دەپ حابارلايدى dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, 2026 جىلدىڭ ٸ توقسانىندا قازاقستاندىقتاردىڭ ناقتى جالاقىسى 2025 جىلدىڭ وسى كەزەڭٸمەن سالىستىرعاندا 2,3%-عا ازايعان.
سونىمەن قاتار ەلدەگٸ ورتاشا ايلىق اتاۋلى جالاقى 461 486 تەڭگەنٸ قۇراعان. بۇل بىلتىرعى سەيكەس كەزەڭمەن سالىستىرعاندا 9,1%-عا جوعارى. الايدا ينفلياتسييانى ەسەپتەگەندەگٸ ناقتى ٶسٸم 97,7% بولىپ, حالىقتىڭ ساتىپ الۋ قابٸلەتٸ تٶمەندەگەنٸن كٶرسەتٸپ وتىر.
ال مەديانالىق جالاقى, ياعني جالاقى قاتارىنىڭ ورتاسىنداعى كٶرسەتكٸش 331 527 تەڭگە بولعان.
ستاتيستيكاعا سەيكەس, جالاقىنىڭ ەڭ جوعارى ٶسٸمٸ اۋىل, ورمان جەنە بالىق شارۋاشىلىعى سالاسىندا تٸركەلگەن – 20,3%. سونداي-اق قارجى جەنە ساقتاندىرۋ سالاسىندا جالاقى 18,1%-عا, سۋ جەتكٸزۋ, كەرٸز جٷيەسٸ مەن قالدىقتاردى ٶڭدەۋ سالاسىندا 16,5%-عا ٶسكەن.
ەلەكتر ەنەرگيياسى, گاز, بۋ جەنە اۋا باپتاۋ جٷيەلەرٸمەن قامتاماسىز ەتۋ سالاسىندا جالاقى 14,7%-عا, كٶلٸك جەنە قويمالاۋ سالاسىندا 12,9%-عا, ال ٶنەركەسٸپتە 11,6%-عا ارتقان.
دەنساۋلىق ساقتاۋ جەنە ەلەۋمەتتٸك قىزمەت كٶرسەتۋ سالاسىندا ورتاشا جالاقى 7%-عا, بٸلٸم بەرۋ سالاسىندا 4,2%-عا ٶسكەنٸ ايتىلدى.
ٶڭٸرلەر اراسىندا ەڭ جوعارى ٶسٸم اباي وبلىسىندا بايقالعان – 14,2%. ودان كەيٸن پاۆلودار وبلىسى – 12,4%, جەتٸسۋ وبلىسى – 12,2%, الماتى وبلىسى – 10,9% جەنە الماتى قالاسى – 10,7%.
