Qazaqstan biyl Ońtústik Koreia, Japoniia jáne Túrkiia naryǵyna et eksportyn bastaýdy josparlap otyr. Bul týraly Aýyl sharýashylyǵy vitse-ministri Amanǵali Berdalin málimdedi, dep habarlaidy dalanews.kz.
Onyń aitýynsha, 2025 jyly Qazaqstan 84 myń tonna et eksporttaǵan. Bul – aldyńǵy jylmen salystyrǵanda 43 paiyzǵa kóp kórsetkish.
Qazirgi tańda qazaqstandyq qoi eti 14 elge, al siyr eti segiz memleketke eksporttalady. Vitse-ministrdiń sózinshe, tasymal shyǵyndaryna qaramastan, Qazaqstan eti shetel naryǵynda baǵa jaǵynan básekege qabiletti bolyp otyr.
“Bul baǵytta biz eshqandai básekeni baiqap otyrǵan joqpyz”, – dedi Amanǵali Berdalin.
