Қазақстан биыл Оңтүстік Корея, Жапония және Түркия нарығына ет экспортын бастауды жоспарлап отыр. Бұл туралы Ауыл шаруашылығы вице-министрі Аманғали Бердалин мәлімдеді, деп хабарлайды dalanews.kz.
Оның айтуынша, 2025 жылы Қазақстан 84 мың тонна ет экспорттаған. Бұл – алдыңғы жылмен салыстырғанда 43 пайызға көп көрсеткіш.
Қазіргі таңда қазақстандық қой еті 14 елге, ал сиыр еті сегіз мемлекетке экспортталады. Вице-министрдің сөзінше, тасымал шығындарына қарамастан, Қазақстан еті шетел нарығында баға жағынан бәсекеге қабілетті болып отыр.
“Бұл бағытта біз ешқандай бәсекені байқап отырған жоқпыз”, – деді Аманғали Бердалин.
