مەملەكەت باسشىسى بيىلعى حالىققا جولداۋىندا ساياسي جاڭعىرۋ تۋرالى اۋقىمدى باعدارلاما ۇسىندى. جولداۋدا ايتىلعان باستامالاردىڭ نەگٸزگٸ ماقساتى – حالىقتىڭ كٶپ جىلعى تالاپ-تٸلەگٸنەن تۋىنداعان مەسەلە – ساياسي جٷيەمٸزدٸ تٷبٸرٸمەن ٶزگەرتۋ بولدى. مۇنى تيٸمدٸ جٷزەگە اسىرۋ ٷشٸن اتا زاڭىمىزعا ٶزگەرٸستەر ەنگٸزۋ قاجەت.
مەملەكەت باسشىسى قازاقستاننىڭ ودان ەرٸ دامۋى ساياسي رەفورمالارسىز مٷمكٸن ەمەس ەكەنٸن مەلٸمدەدٸ. وسى باعىتتى ۇستانىپ, «حالىق ٷنٸنە قۇلاق اساتىن مەملەكەت» ساياساتىن جٷزەگە اسىرا وتىرىپ, پرەزيدەنت قاسىم-جومارت توقاەۆ كونستيتۋتسيياعا ٶزگەرتۋلەر مەن تولىقتىرۋلار ەنگٸزۋ مەسەلەسٸ بويىنشا رەفەرەندۋم جارييالادى.
كونستيتۋتسييا – مەملەكەتتٸك قۇرىلىمدى ايقىندايتىن, ازاماتتاردىڭ ٶمٸرٸنٸڭ بارلىق سالالارىن رەتتەيتٸن جەنە بارلىق دەڭگەيدەگٸ زاڭداردىڭ ودان ەرٸ قابىلدانۋىنا نەگٸز بولاتىن باستى قۇجات بولسا, رەفەرەندۋم تٸكەلەي دەموكراتييا قۇرالى, ازاماتتاردىڭ ەرٸك-جٸگەرٸنٸڭ ماڭىزدى پروتسەسٸ. ول قوعامدا قالىپتاسقان قاعيداتتاردى ٶزگەرتەتٸن شەشٸمدەردٸ قابىلداۋعا حالىقتى تارتۋ ارقىلى جاڭا ساياسي مەدەنيەتتٸ قالىپتاستىرادى.
ەلٸمٸزدٸڭ ودان ەرٸ دامۋ باعىتىن ازاماتتار شەشۋٸ كەرەك. ونىڭ ٷستٸنە, وسىنداي ماڭىزدى مەسەلەنٸ رەفەرەندۋمعا شىعارۋ – بيلٸكتٸڭ حالىققا دەگەن سەنٸمٸنٸڭ كٶرسەتكٸشٸ, بيلٸك پەن ەربٸر ازاماتتىڭ ٶزارا ٸس-قيمىل كٶپٸرلەرٸن قۇرۋدىڭ ٶلشەمٸ. رەفەرەندۋم ٶتكٸزۋ – بيلٸكتٸڭ عانا ەمەس, حالقىمىزدىڭ كەمەلدٸلٸگٸنٸڭ كٶرسەتكٸشٸ.
بٸز بەرٸمٸز بٸر ەل بولىپ جاڭا قازاقستاندى, ەدٸلەتتٸ قازاقستاندى قۇرامىز, ەربٸر ازاماتتىڭ قۇقىعى قورعالاتىن مەملەكەت بولامىز. بەرٸنە بٸردەي مٷمكٸندٸك بەرٸلەدٸ. ەركٸم قارىم-قابٸلەتٸنە ساي قوعامنان ٶز ورنىن يەلەنەدٸ. حالىقتىڭ وي-ساناسى جاڭعىرىپ, ٶمٸر سالتى ٶزگەرەدٸ. بٸز مەملەكەتتٸك جٷيەنٸ جەتٸلدٸرٸپ, قوعام مەن بيلٸكتٸڭ تيٸمدٸ ديالوگىن ورناتامىز.
وسىلايشا, ەكٸنشٸ رەسپۋبليكانى قالىپتاستىرامىز. كونستيتۋتسييالىق رەفورما مۇنىڭ بەرٸن تابىستى جٷزەگە اسىرۋ ٷشٸن قاجەت.
قازٸرگٸ رەفورمانىڭ ەرەكشەلٸگٸ – پرەزيدەنتتٸڭ ٶكٸلەتتٸگٸن كٷشەيتۋ ەمەس, مەملەكەتٸمٸزدٸ جەتٸلدٸرۋ, جاڭعىرتۋ جەنە نىعايتۋ. بٸز رەفەرەندۋمعا ەلدٸڭ ەرتەڭٸ, ۇرپاقتىڭ كەلەشەگٸ ٷشٸن قاتىسامىز, ۇلت مٷددەسٸنە ساي باستامالاردى قولدايمىز.
رەفەرەندۋم بويىنشا اتا زاڭ باپتارىنىڭ ٷشتەن بٸرٸ ٶزگەرەدٸ. كونستيتۋتسييامىز مٷلدە جاڭا سيپاتقا يە بولادى. ال مۇنداي اۋقىمدى ٶزگەرٸس بٷكٸل حالىقتىڭ شەشٸمٸمەن جٷزەگە اسىرىلۋى تيٸس.
الداعى رەفەرەندۋم قازاقستاننىڭ بولاشاعىن ايقىندايدى. كونستيتۋتسييالىق رەفورما بيلٸكتٸڭ ٶكٸلدٸ تارماعىن ايتارلىقتاي كٷشەيتەدٸ. ٷيلەسٸمدٸ جەنە تەڭگەرٸمدٸ جٷيەنٸ نىعايتادى. مەسليحاتتار ىقپالىن ارتتىرادى.
كونستيتۋتسييانىڭ جاڭارعان نۇسقاسىندا پرەزيدەنتتٸڭ بارلىق ساياسي كٷشتەر مەن پارتييالاردان دەربەستٸگٸن بەكٸتۋ كٶزدەلگەن. مەملەكەت باسشىسىنىڭ جاقىن تۋىستارىنا ساياسي لاۋازىم يەلەنۋگە جەنە كۆازيمەملەكەتتٸك سەكتوردا باسشىلىق قىزمەت اتقارۋعا تىيىم سالىنادى.
سونداي-اق قۇقىق قورعاۋ سالاسى بويىنشا ماڭىزدى ٶزگەرٸستەر ەنگٸزٸلەدٸ. اتاپ ايتساق, كونستيتۋتسييالىق سوت قۇرىلادى. ادام قۇقىقتارى جٶنٸندەگٸ ۋەكٸلدٸڭ, ياعني ومبۋدسمەننٸڭ مەرتەبەسٸ اتا زاڭمەن ايقىندالادى. ەلٸمٸزدە ٶلٸم جازاسى مٷلدە جويىلادى. مۇنىڭ بەرٸ ازاماتتاردىڭ قۇقىقتارى مەن بوستاندىقتارىن قورعاۋ ٷشٸن جاسالىپ جاتىر. الداعى كونستيتۋتسييالىق رەفورما ەل دامۋىنىڭ جاڭا كەزەڭٸ باستالعانىن كٶرسەتەدٸ.
بٸز اگرارلى مەملەكەتپٸز. قازاقستاننىڭ گەوساياساتتاعى ارتىقشىلىعى ونىڭ اگرارلىق مەملەكەت قۇرۋىندا, ياعني تاماق ٶندٸرۋ ارقىلى بٸز قاۋٸپسٸزدٸگٸمٸزدٸ قامتاماسىز ەتە وتىرىپ, ەلەمدەگٸ ەرەكشە ورنىمىزدى ايقىندايمىز. وسى كٷنگە دەيٸن وسى كونستيتۋتسييامىزدىڭ, ەلٸمٸزدەگٸ بەيبٸتشٸلٸكتٸڭ ارقاسىندا شارۋاشىلىعىمىزدى يگەرٸپ, شامامىزعا قاراي دامىپ كەلەمٸز.
اگروساياساتتا جاعداي تۇراقسىز بولسا دا, سالامىز مەملەكەتتٸڭ قولداۋىنسىز قالعان ەمەس. پرەزيدەنت تە, ٷكٸمەت تە بۇل سالاعا ايتارلىقتاي كٶڭٸل بٶلەدٸ. ول الداعى ۋاقىتتا ودان دا ەرٸ قارقىندى داميدى دەگەن ويدامىز. ەلدەگٸ بەيبٸتشٸلٸك ارقاسىندا فەرمەرلەر قانشا ازاماتقا جۇمىس ورنىن تاۋىپ بەرٸپ جاتىر, ەلدە تىنىشتىق بولسا ەلٸ دە تالاي جۇمىس ورنىن اشادى. ال وسىنىڭ بارلىعى ەل تىنىشتىعىنىڭ دٸڭگەگٸ كونستيتۋتسييامىزدىڭ مىعىم بولۋىنىڭ ارقاسىندا.
سوندىقتان ەربٸر ەل ازاماتى داۋىس بەرٸپ, وسى تاريحي بەتبۇرىستى جاساۋعا ٶز ٷلەسٸن قوسۋى تيٸس.
بٸز جاڭا, ەدٸلەتتٸ قازاقستاندى دامىتقاندا عانا قارىشتاپ العا داميمىز, تۇتىنۋشى ەلدەن ٶندٸرۋشٸ ەلگە اينالامىز.
ەلٸمٸزدٸڭ جارقىن بولاشاعى – ٶز قولىمىزدا! كٷشٸمٸز – بٸرلٸكتە! بٸرگە بولايىق! بەرەكە-بٸرلٸگٸمٸزدٸ نىعايتايىق!
قازاقستان فەرمەرلەرٸنٸڭ قاۋىمداستىعى
