قازاقستاندا «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا 2029 جىلعا دەيٸن جالپى قۋاتى 7,3 گۆت بولاتىن جاڭا گەنەراتسييا كٶزدەرٸ ٸسكە قوسىلىپ, ەلدە ەلەكتر ەنەرگيياسىنىڭ تۇراقتى پروفيتسيتٸ قالىپتاسادى, دەپ حابارلايدى dalanews.kz.
ەنەرگەتيكا مينيسترلٸگٸنٸڭ مەلٸمەتٸنشە, ۇلتتىق جوبا اياسىندا جالپى قۇنى 6,2 ترلن تەڭگەنٸ قۇرايتىن جاڭا گەنەراتسييا كٶزدەرٸن ٸسكە قوسۋ جوسپارلانعان. ونىڭ ٸشٸندە 6 484 مۆت جاڭا قۋات سالىنىپ, 825 مۆت قولدانىستاعى قۋاتتار جاڭارتىلىپ, الماستىرىلادى.
2026 جىلى جوبا اياسىندا شامامەن 2 418 مۆت قۋاتتى پايدالانۋعا بەرۋ كٶزدەلگەن. ال 2027 جىلى تاعى 825 مۆت جاڭا قۋات ٸسكە قوسىلادى. ونىڭ ٸشٸندە جامبىل مەملەكەتتٸك اۋداندىق ەلەكتر ستانتسيياسىندا جالپى قۋاتى 210 مۆت بولاتىن بەس گاز-تۋربينالىق قوندىرعى جەنە «ماەك» جشس-دە قۋاتى 160 مۆت بولاتىن بۋ-گاز قوندىرعىسى پايدالانۋعا بەرٸلەدٸ.
مينيسترلٸك مەلٸمەتٸنشە, بۇل نىساندار ٸسكە قوسىلعاننان كەيٸن 2027 جىلدىڭ باسىنان باستاپ ەل ەكونوميكاسىنىڭ ەلەكتر ەنەرگيياسىنا دەگەن سۇرانىسى تولىق قامتاماسىز ەتٸلەدٸ. ال 2027 جىلدىڭ سوڭىنا قاراي شامامەن 1,3 ملرد كۆت/ساعات كٶلەمٸندە ەلەكتر ەنەرگيياسىنىڭ پروفيتسيتٸ قالىپتاسادى.
2028-2029 جىلدارى ۇلتتىق جوبا اياسىندا تاعى 4 000 مۆت-تان استام جاڭا قۋات ەنگٸزٸلەدٸ. نەتيجەسٸندە 2029 جىلى قازاقستاننىڭ ەنەرگييا جٷيەسٸندە قاجەتتٸ 20 پايىزدىق رەزەرۆ ساقتالىپ, ەلەكتر ەنەرگيياسىنىڭ تۇراقتى پروفيتسيتٸ قامتاماسىز ەتٸلەدٸ. بۇل ەلدٸڭ ەكسپورتتىق ەلەۋەتٸن ارتتىرۋعا مٷمكٸندٸك بەرەدٸ.
مينيسترلٸك 2025 جىلى تەكەلٸ ەنەرگەتيكالىق كەشەنٸن جاڭعىرتۋ اياسىندا جالپى قۋاتى 36 مۆت بولاتىن ٷش گاز-تۋربينالىق قوندىرعى سالىنعانىن حابارلادى. سونىمەن قاتار بيىل قىزىلوردا وبلىسىندا قۋاتى 240 مۆت بولاتىن بۋ-گاز قوندىرعىسى ٸسكە قوسىلىپ, تەكەلٸ ەنەرگەتيكالىق كەشەنٸن جاڭعىرتۋدىڭ ٷشٸنشٸ كەزەڭٸ اياقتالدى. ونىڭ نەتيجەسٸندە تاعى 17 مۆت قۋات پايدالانۋعا بەرٸلدٸ. جىل سوڭىنا دەيٸن قوسىمشا 2 161 مۆت ٸسكە قوسىلادى دەپ جوسپارلانىپ وتىر.
ۇلتتىق جوبا اياسىندا ٶڭٸرلەردٸ سەنٸمدٸ جىلۋمەن جەنە ەلەكترمەن قامتاماسىز ەتۋ ٷشٸن جالپى قۇنى 1,3 ترلن تەڭگەگە 1,6 مىڭ شاقىرىم جىلۋ جەلٸسٸن جەنە 2,7 ترلن تەڭگەگە 77,5 مىڭ شاقىرىم ەلەكتر جەلٸسٸن جاڭعىرتۋ كٶزدەلگەن.
بۇل جۇمىستاردىڭ نەتيجەسٸندە 2029 جىلعا قاراي ەلٸمٸزدەگٸ جىلۋ جەلٸلەرٸنٸڭ ورتاشا توزۋ دەڭگەيٸ 52 پايىزدان 42 پايىزعا, ال ەلەكتر جەلٸلەرٸنٸڭ توزۋى 74 پايىزدان 45 پايىزعا دەيٸن تٶمەندەيدٸ.
قازٸرگٸ ۋاقىتتا ەنەرگەتيكا مينيسترلٸگٸ جالپى ۇزىندىعى 11 561 شاقىرىم ەلەكتر جەلٸسٸن جاڭعىرتۋ مەن رەكونسترۋكتسييالاۋعا باعىتتالعان 514,5 ملرد تەڭگەنٸڭ 246 جوباسىن قولداعان. ونىڭ ٸشٸندە 61 جوبا قۇرىلىس-مونتاج جۇمىستارى كەزەڭٸندە بولسا, 113 جوبا بويىنشا مەردٸگەرلەردٸ انىقتاۋ رەسٸمدەرٸ جٷرگٸزٸلٸپ جاتىر. تاعى 71 جوبا كەلٸسٸلٸپ, قاراۋدىڭ العاشقى كەزەڭٸندە تۇر.
جىلۋ جەلٸلەرٸن جاڭعىرتۋ باعىتىندا جالپى قۇنى 449,2 ملرد تەڭگە بولاتىن 137 جوبا ەزٸرلەنگەن. ولار اياسىندا 314 شاقىرىم جىلۋ جەلٸسٸن قايتا جاڭارتۋ جوسپارلانعان. قازٸر 34 جوبا ٸسكە اسىرىلىپ جاتىر, 38 جوبا تولىق دايىن, ال 65 جوبا قارالۋ كەزەڭٸندە.
وبليگاتسييالىق قارىز قاراجاتى ەسەبٸنەن قاراعاندى, تەمٸرتاۋ جەنە تايىنشا قالالارىندا جالپى ۇزىندىعى 11,1 شاقىرىم بولاتىن ٷش جىلۋمەن جابدىقتاۋ جوباسى اياقتالعان. بۇل جۇمىستار تۇرعىن ٷيلەردٸ تۇراقتى جىلۋمەن قامتۋعا جەنە 2025-2026 جىلدارداعى جىلىتۋ ماۋسىمىن ٸركٸلٸسسٸز ٶتكٸزۋگە مٷمكٸندٸك بەرگەن.
سونىمەن قاتار ەنەرگەتيكا مينيسترلٸگٸ ەنەرگەتيكا سالاسىن تسيفرلاندىرۋ باعىتىنداعى جۇمىستاردى جالعاستىرىپ جاتىر. ونىڭ اياسىندا ەنەرگەتيكا نىساندارىنىڭ دەرەكتەرٸ مەن تسيفرلىق سەرۆيستەرٸن بٸرٸكتٸرەتٸن EnergyTech بٸرىڭعاي پلاتفورماسى قۇرىلۋدا. سونداي-اق جىلۋ, ەلەكتر جەنە گاز جەلٸلەرٸنە ينتەللەكتۋالدى ەسەپتەۋ قۇرالدارى مەن اۆتوماتتاندىرىلعان باسقارۋ جٷيەلەرٸ ەنگٸزٸلۋدە.
بۇدان بٶلەك, ەنەرگەتيكا وبەكتٸلەرٸنٸڭ كيبەرقاۋٸپسٸزدٸگٸن كٷشەيتۋ ٷشٸن 200-دەن استام ەنەرگەتيكا نىسانىن قامتيتىن سالالىق اقپاراتتىق قاۋٸپسٸزدٸك ورتالىعىن قۇرۋ جوسپارلانىپ وتىر. بۇل ورتالىق كيبەرقاۋٸپتەردٸ ورتالىقتاندىرىلعان تٷردە باقىلاۋعا, انىقتاۋعا جەنە الدىن الۋعا مٷمكٸندٸك بەرەدٸ.
