قازاقستان مۇسىلماندارى ءدىني باسقارماسى ەلىمىز بويىنشا ايت نامازىنىڭ كەستەسىن جاريالادى، دەپ حابارلايدى Dalanews.kz.
ورازا ايت قاشان؟
قمدب مالىمەتىنە سۇيەنسەك، 20 ناۋرىز - ورازا ايت مەيرامى.
ورازا ايتتى قالاي وتكىزگەن ابزال؟
بۇل - رامازان ايىنان كەيىن كەلەتىن ەڭ ماڭىزدى مەرەكەلەردىڭ ءبىرى، كەشىرىم ەتۋگە جانە جاقسىلىق جاساۋعا ارنالعان ەرەكشە ۋاقىت.
- تاڭدى ايت نامازىمەن باستاۋ - ەڭ ساۋاپتى امالداردىڭ ءبىرى. مۇمكىندىك بولسا، مەشىتكە بارىپ، جاماعاتپەن بىرگە ناماز وقۋ ۇسىنىلادى.
- بۇل كۇنى جاقىندارمەن قاۋىشىپ، اتا-اناعا، تۋىستارعا بارىپ امانداسۋ ماڭىزدى. رەنجىسكەن جاندار بولسا، تاتۋلاسۋعا تىرىسقان ءجون.
- ورازا ايت - قايىرىمدىلىق پەن جومارتتىقتىڭ مەرەكەسى. مۇقتاج جاندارعا كومەكتەسىپ، ساداقا بەرۋ - ۇلكەن ساۋاپ.
- داستارقان جايىپ، تۋعان-تۋىستى، كورشى-قولاڭدى شاقىرۋ دا يگى ءداستۇردىڭ ءبىرى. بۇل كۇندى جىلى قارىم-قاتىناس پەن شىنايى كوڭىل كۇيدە وتكىزۋ ماڭىزدى.
- ەڭ باستىسى - بۇل كۇندى بوسقا وتكىزبەۋ. جاقسىلىق جاساپ، جاقسى ءسوز ايتىپ، نيەتتى تازا ۇستاۋ ورازا ايتتىڭ ءمانىن اشا تۇسەدى.
